Text Browser | BHS | Parallel | KJV | Accents | Forms | Q-K | Diacritics | Hermeneutics |
Isaiah 12 | Ch- | Bk- | Save As | Bk+ | Ch+ | ישעיהו |
1 ואמרת ביום ההוא אודך יהוה כי אנפת בי ישב אפך ותנחמני׃ 2 הנה אל ישועתי אבטח ולא אפחד כי־עזי וזמרת יה יהוה ויהי־לי לישועה׃ 3 ושאבתם־מים בששון ממעיני הישועה׃ 4 ואמרתם ביום ההוא הודו ליהוה קראו בשמו הודיעו בעמים עלילתיו הזכירו כי נשגב שמו׃ 5 זמרו יהוה כי גאות עשה מודעת זאת בכל־הארץ׃ 6 צהלי ורני יושבת ציון כי־גדול בקרבך קדוש ישראל׃