Text Browser | BHS | Parallel | KJV | Accents | Forms | Q-K | Diacritics | Hermeneutics |
Isaiah 15 | Ch- | Bk- | Save As | Bk+ | Ch+ | ישעיהו |
1 מש֖א מוא֑ב כ֠י בל֞יל שד֨ד ע֤ר מואב֙ נדמ֔ה כ֗י בל֛יל שד֥ד קיר־מוא֖ב נדמֽה׃ 2 על֨ה הב֧ית ודיב֛ן הבמ֖ות לב֑כי על־נב֞ו וע֤ל מֽידבא֙ מוא֣ב ייל֔יל בכל־ראש֣יו קרח֔ה כל־זק֖ן גרועֽה׃ 3 בחוצת֖יו ח֣גרו ש֑ק ע֣ל גגות֧יה וברחבת֛יה כל֥ה ייל֖יל יר֥ד בבֽכי׃ 4 ותזע֤ק חשבון֙ ואלעל֔ה עד־י֖הץ נשמ֣ע קול֑ם על־כ֗ן חלצ֤י מואב֙ יר֔יעו נפש֖ו י֥רעה לֽו׃ 5 לבי֙ למוא֣ב יזע֔ק בריח֕ה עד־צ֖ער עגל֣ת שלשי֑ה כ֣י׀ מעל֣ה הלוח֗ית בבכי֙ יֽעלה־ב֔ו כ֚י ד֣רך חורנ֔ים זעקת־ש֖בר יעעֽרו׃ 6 כֽי־מ֥י נמר֖ים משמ֣ות יֽהי֑ו כֽי־יב֤ש חציר֙ כ֣לה ד֔שא י֖רק ל֥א היֽה׃ 7 על־כ֖ן יתר֣ה עש֑ה ופקדת֔ם ע֛ל נ֥חל הערב֖ים ישאֽום׃ 8 כֽי־הק֥יפה הזעק֖ה את־גב֣ול מוא֑ב עד־אגל֙ים֙ יללת֔ה ובא֥ר איל֖ים יללתֽה׃ 9 כ֣י מ֤י דימון֙ מ֣לאו ד֔ם כֽי־אש֥ית על־דימ֖ון נוספ֑ות לפליט֤ת מואב֙ ארי֔ה ולשאר֖ית אדמֽה׃