| Text Browser | BHS | Parallel | KJV | Accents | Forms | Q-K | Diacritics | Hermeneutics |
| Hosea 4 | Ch- | Bk- | Save As | Bk+ | Ch+ | הושע |
1 שמע֥ו דבר־יהו֖ה בנ֣י ישרא֑ל כ֣י ר֤יב לֽיהוה֙ עם־יושב֣י הא֔רץ כ֠י אין־אמ֧ת וֽאין־ח֛סד ואֽין־ד֥עת אלה֖ים באֽרץ׃ 2 אל֣ה וכח֔ש ורצ֥ח וגנ֖ב ונא֑ף פר֕צו ודמ֥ים בדמ֖ים נגֽעו׃ 3 על־כ֣ן׀ תאב֣ל הא֗רץ ואמלל֙ כל־יוש֣ב ב֔ה בחי֥ת השד֖ה ובע֣וף השמ֑ים וגם־דג֥י הי֖ם יאסֽפו׃ 4 א֥ך א֛יש אל־יר֖ב ואל־יוכ֣ח א֑יש ועמך֖ כמריב֥י כהֽן׃ 5 וכשלת֣ הי֔ום וכש֧ל גם־נב֛יא עמך֖ ל֑ילה ודמ֖יתי אמֽך׃ 6 נדמ֥ו עמ֖י מבל֣י הד֑עת כֽי־את֞ה הד֣עת מא֗סת ואמאֽסאך֙ מכה֣ן ל֔י ותשכח֙ תור֣ת אלה֔יך אשכ֥ח בנ֖יך גם־אֽני׃ 7 כרב֖ם כ֣ן חֽטאו־ל֑י כבוד֖ם בקל֥ון אמֽיר׃ 8 חט֥את עמ֖י יאכ֑לו ואל־עונ֖ם ישא֥ו נפשֽו׃ 9 והי֥ה כע֖ם ככה֑ן ופקדת֤י עליו֙ דרכ֔יו ומעלל֖יו אש֥יב לֽו׃ 10 ואֽכלו֙ ול֣א ישב֔עו הזנ֖ו ול֣א יפר֑צו כֽי־את־יהו֥ה עזב֖ו לשמֽר׃ 11 זנ֛ות וי֥ין ותיר֖וש יֽקֽח־לֽב׃ 12 עמי֙ בעצ֣ו ישא֔ל ומקל֖ו יג֣יד ל֑ו כ֣י ר֤וח זנונים֙ התע֔ה ויזנ֖ו מת֥חת אלהיהֽם׃ 13 על־ראש֨י ההר֜ים יזב֗חו ועל־הגבעות֙ יקט֔רו ת֣חת אל֧ון ולבנ֛ה ואל֖ה כ֣י ט֣וב צל֑ה על־כ֗ן תזנ֙ינה֙ בנ֣ותיכ֔ם וכלותיכ֖ם תנאֽפנה׃ 14 לֽא־אפק֨וד על־בנותיכ֜ם כ֣י תזנ֗ינה ועל־כלֽותיכם֙ כ֣י תנא֔פנה כי־הם֙ עם־הזנ֣ות יפר֔דו ועם־הקדש֖ות יזב֑חו וע֥ם לֽא־יב֖ין ילבֽט׃ 15 אם־זנ֤ה אתה֙ ישרא֔ל אל־יאש֖ם יהוד֑ה ואל־תב֣או הגלג֗ל ואֽל־תעלו֙ ב֣ית א֔ון ואל־תשבע֖ו חי־יהוֽה׃ 16 כ֚י כפר֣ה סֽרר֔ה סר֖ר ישרא֑ל עתה֙ ירע֣ם יהו֔ה ככ֖בש במרחֽב׃ 17 חב֧ור עצב֛ים אפר֖ים הֽנֽח־לֽו׃ 18 ס֖ר סבא֑ם הזנ֣ה הזנ֔ו אהב֥ו הב֛ו קל֖ון מגנֽיה׃ 19 צר֥ר ר֛וח אות֖ה בכנפ֑יה ויב֖שו מזבחותֽם׃