Text Browser | BHS | Parallel | KJV | Accents | Forms | Q-K | Diacritics | Hermeneutics |
Psalms 60 | Ch- | Bk- | Save As | Bk+ | Ch+ | תהלים |
1 ל֭מנצח על־שוש֣ן עד֑ות מכת֖ם לדו֣ד ללמֽד׃ 2 בהצות֨ו׀ א֥ת אר֣ם נהרים֘ ואת־אר֪ם צ֫וב֥ה וי֤שב יוא֗ב וי֣ך את־אד֣ום בגיא־מ֑לח שנ֖ים עש֣ר אֽלף׃ 3 א֭להים זנחת֣נו פרצת֑נו א֝נ֗פת תש֣וב֥ב לֽנו׃ 4 הרע֣שתה א֣רץ פצמת֑ה רפ֖ה שבר֣יה כי־מֽטה׃ 5 הרא֣יתה עמך֣ קש֑ה ה֝שקית֗נו י֣ין תרעלֽה׃ 6 נ֮ת֤תה לירא֣יך נ֭ס להתנוס֑ס מ֝פנ֗י ק֣שט סֽלה׃ 7 ל֭מען יחלצ֣ון ידיד֑יך הוש֖יעה ימֽינך֣ וענֽני׃ 8 אלה֤ים׀ דב֥ר בקדש֗ו א֫על֥זה אחלק֥ה שכ֑ם וע֖מק סכ֣ות אמדֽד׃ 9 ל֤י גלע֨ד׀ ול֬י מנש֗ה ו֭אפרים מע֣וז ראש֑י י֝הוד֗ה מחֽקקי׃ 10 מוא֤ב׀ ס֬יר רחצ֗י על־א֭דום אשל֣יך נעל֑י ע֝ל֗י פל֣שת התרעֽעֽי׃ 11 מ֣י י֭בלני ע֣יר מצ֑ור מ֖י נח֣ני עד־אדֽום׃ 12 הלֽא־את֣ה אלה֣ים זנחת֑נו וֽלא־תצ֥א א֝לה֗ים בצבאותֽינו׃ 13 הֽבה־ל֣נו עזר֣ת מצ֑ר ו֝ש֗וא תשוע֥ת אדם׃ 14 בֽאלה֥ים נעשה־ח֑יל ו֝ה֗וא יב֥וס צרֽינו׃