Text Browser | BHS | Parallel | KJV | Accents | Forms | Q-K | Diacritics | Hermeneutics |
Song of Songs 1 | Ch- | Bk- | Save As | Bk+ | Ch+ | שיר השירים |
1 ש֥יר השיר֖ים אש֥ר לשלמֽה׃ 2 ישק֙ני֙ מנשיק֣ות פ֔יהו כֽי־טוב֥ים דד֖יך מיֽין׃ 3 לר֙יח֙ שמנ֣יך טוב֔ים ש֖מן תור֣ק שמ֑ך על־כ֖ן עלמ֥ות אהבֽוך׃ 4 משכ֖ני אחר֣יך נר֑וצה הביא֨ני המ֜לך חדר֗יו נג֤ילה ונשמחה֙ ב֔ך נזכ֤ירה דד֙יך֙ מי֔ין מישר֖ים אהבֽוך׃ 5 שחור֤ה אני֙ וֽנאו֔ה בנ֖ות ירושל֑ם כאהל֣י קד֔ר כיריע֖ות שלמֽה׃ 6 אל־תרא֙וני֙ שאנ֣י שחרח֔רת ששזפ֖תני הש֑מש בנ֧י אמ֣י נֽחרו־ב֗י שמ֙ני֙ נטר֣ה את־הכרמ֔ים כרמ֥י של֖י ל֥א נטֽרתי׃ 7 הג֣ידה ל֗י ש֤אהבה֙ נפש֔י איכ֣ה תרע֔ה איכ֖ה תרב֣יץ בֽצהר֑ים שלמ֤ה אֽהיה֙ כע֣טי֔ה ע֖ל עדר֥י חברֽיך׃ 8 אם־ל֤א תדעי֙ ל֔ך היפ֖ה בנש֑ים צֽאי־ל֞ך בעקב֣י הצ֗אן ורעי֙ את־גדית֔יך ע֖ל משכנ֥ות הרעֽים׃ 9 לססתי֙ ברכב֣י פרע֔ה דמית֖יך רעיתֽי׃ 10 נאו֤ו לחי֙יך֙ בתר֔ים צואר֖ך בחרוזֽים׃ 11 תור֤י זהב֙ נעשה־ל֔ך ע֖ם נקד֥ות הכֽסף׃ 12 עד־ש֤המ֙לך֙ במסב֔ו נרד֖י נת֥ן ריחֽו׃ 13 צר֨ור המ֤ר׀ דודי֙ ל֔י ב֥ין שד֖י ילֽין׃ 14 אשכ֨ל הכ֤פר׀ דודי֙ ל֔י בכרמ֖י ע֥ין גֽדי׃ 15 הנ֤ך יפה֙ רעית֔י הנ֥ך יפ֖ה עינ֥יך יונֽים׃ 16 הנך֙ יפ֤ה דודי֙ א֣ף נע֔ים אף־ערש֖נו רעננֽה׃ 17 קר֤ות בת֙ינו֙ ארז֔ים רהיט֖נו ברותֽים׃