1 wəḏārəyāweš māḏā’āh qabbēl maləḵûṯā’ kəḇar šənîn šittîn wəṯarətên 2 šəp̱ar qŏḏām dārəyāweš wahăqîm ‘al-maləḵûṯā’ la’ăḥašədarəpənayyā’ mə’āh wə‘eśərîn dî lehĕwōn bəḵāl-maləḵûṯā’ 3 wə‘ēllā’ minnəhôn sārəḵîn təlāṯā’ dî ḏāniyyē’l ḥaḏ-minnəhôn dî-lehĕwōn ’ăḥašədarəpənayyā’ ’illên yāhăḇîn ləhôn ṭa‘əmā’ ûmaləkā’ lā’-lehĕwē’ nāziq 4 ’ĕḏayin dāniyyē’l dənāh hăwā’ miṯənaṣṣaḥ ‘al-sārəḵayyā’ wa’ăḥašədarəpənayyā’ kāl-qŏḇēl dî rûaḥ yattîrā’ bēhh ûmaləkā’ ‘ăšîṯ lahăqāmûṯēhh ‘al-kāl-maləḵûṯā’ 5 ’ĕḏayin sārəḵayyā’ wa’ăḥašədarəpənayyā’ hăwô ḇā‘ayin ‘illāh ləhašəkāḥāh ləḏāniyyē’l miṣṣaḏ maləḵûṯā’ wəḵāl-‘illāh ûšəḥîṯāh lā’-yāḵəlîn ləhašəkāḥāh kāl-qŏḇēl dî-məhêman hû’ wəḵāl-šālû ûšəḥîṯāh lā’ hišətəḵaḥaṯ ‘ălôhî 6 ’ĕḏayin guḇərayyā’ ’illēḵ ’āmərîn dî lā’ nəhašəkaḥ ləḏāniyyē’l dənāh kāl-‘illā’ lāhēn hašəkaḥənāh ‘ălôhî bəḏāṯ ’ĕlāhēhh 7 ’ĕḏayin sārəḵayyā’ wa’ăḥašədarəpənayyā’ ’illēn harəgišû ‘al-maləkā’ wəḵēn ’āmərîn lēhh dārəyāweš maləkā’ lə‘āləmîn ḥĕyî 8 ’iṯəyā‘aṭû kōl sārəḵê maləḵûṯā’ sig̱ənayyā’ wa’ăḥašədarəpənayyā’ haddāḇərayyā’ ûp̱aḥăwāṯā’ ləqayyāmāh qəyām maləkā’ ûləṯaqqāp̱āh ’ĕsār dî ḵāl-dî-yiḇə‘ēh ḇā‘û min-kāl-’ĕlāhh we’ĕnāš ‘aḏ-yômîn təlāṯîn lāhēn minnāḵ maləkā’ yiṯərəmē’ ləg̱ōḇ ’arəyāwāṯā’ 9 kə‘an maləkā’ təqîm ’ĕsārā’ wəṯirəšum kəṯāḇā’ dî lā’ ləhašənāyāh kəḏāṯ-māḏay ûp̱āras dî-lā’ ṯe‘ədē’ 10 kāl-qŏḇēl dənāh maləkā’ dārəyāweš rəšam kəṯāḇā’ we’ĕsārā’ 11 wəḏāniyyē’l kəḏî yəḏa‘ dî-rəšîm kəṯāḇā’ ‘al ləḇayəṯēhh wəḵawwîn pəṯîḥān lēhh bə‘illîṯēhh neg̱eḏ yərûšəlem wəzimənîn təlāṯāh ḇəyômā’ hû’ bārēḵ ‘al-birəḵôhî ûməṣallē’ ûmôḏē’ qŏḏām ’ĕlāhēhh kāl-qŏḇēl dî-hăwā’ ‘āḇēḏ min-qaḏəmaṯ dənāh 12 ’ĕḏayin guḇərayyā’ ’illēḵ harəgišû wəhašəkaḥû ləḏāniyyē’l bā‘ē’ ûmiṯəḥannan qŏḏām ’ĕlāhēhh 13 bē’ḏayin qərîḇû wə’āmərîn qŏḏām-maləkā’ ‘al-’ĕsār maləkā’ hălā’ ’ĕsār rəšamətā dî ḵāl-’ĕnāš dî-yiḇə‘ēh min-kāl-’ĕlāhh we’ĕnāš ‘aḏ-yômîn təlāṯîn lāhēn minnāḵ maləkā’ yiṯərəmē’ ləg̱ôḇ ’arəyāwṯā’ ‘ānēh maləkā’ wə’āmar yaṣṣîḇā’ milləṯā’ kəḏāṯ-māḏay ûp̱āras dî-lā’ ṯe‘ədē’ 14 bē’ḏayin ‘ănô wə’āmərîn qŏḏām maləkā’ dî ḏāniyyē’l dî min-bənê g̱ālûṯā’ dî yəhûḏ lā’-śām ‘ălāḵ maləkā’ ṭə‘ēm wə‘al-’ĕsārā’ dî rəšamətā wəzimənîn təlāṯāh bəyômā’ bā‘ē’ bā‘ûṯēhh 15 ’ĕḏayin maləkā’ kəḏî milləṯā’ šəma‘ śaggî’ bə’ēš ‘ălôhî wə‘al dāniyyē’l śām bāl ləšêzāḇûṯēhh wə‘aḏ me‘ālê šiməšā’ hăwā’ mišətaddar ləhaṣṣālûṯēhh 16 bē’ḏayin guḇərayyā’ ’illēḵ harəgišû ‘al-maləkā’ wə’āmərîn ləmaləkā’ da‘ maləkā’ dî-ḏāṯ ləmāḏay ûp̱āras dî-ḵāl-’ĕsār ûqəyām dî-maləkā’ yəhāqêm lā’ ləhašənāyāh 17 bē’ḏayin maləkā’ ’ămar wəhayəṯîw ləḏāniyyē’l ûrəmô ləg̱ubbā’ dî ’arəyāwāṯā’ ‘ānēh maləkā’ wə’āmar ləḏāniyyē’l ’ĕlāhāḵ dî ’anət pālaḥ-lēhh biṯəḏîrā’ hû’ yəšêzəḇinnāḵ 18 wəhêṯāyiṯ ’eḇen ḥăḏāh wəśumaṯ ‘al-pum gubbā’ wəḥaṯəmahh maləkā’ bə‘izəqəṯēhh ûḇə‘izəqāṯ raḇərəḇānôhî dî lā’-ṯišənē’ ṣəḇû bəḏāniyyē’l 19 ’ĕḏayin ’ăzal maləkā’ ləhêḵəlēhh ûḇāṯ ṭəwāṯ wəḏaḥăwān lā’-hanə‘ēl qāḏāmôhî wəšinətēhh naddaṯ ‘ălôhî 20 bē’ḏayin maləkā’ bišəparəpārā’ yəqûm bənāg̱əhā’ ûḇəhiṯəbəhālāh ləg̱ubbā’ ḏî-’arəyāwāṯā’ ’ăzal 21 ûḵəmiqərəḇēhh ləg̱ubbā’ ləḏāniyyē’l bəqāl ‘ăṣîḇ zə‘iq ‘ānēh maləkā’ wə’āmar ləḏāniyyē’l dāniyyē’l ‘ăḇēḏ ’ĕlāhā’ ḥayyā’ ’ĕlāhāḵ dî ’anət pālaḥ-lēhh biṯəḏîrā’ hayəḵil ləšêzāḇûṯāḵ min-’arəyāwāṯā’ 22 ’ĕḏayin dāniyye’l ‘im-maləkā’ mallil maləkā’ lə‘āləmîn ḥĕyî 23 ’ĕlāhî šəlaḥ malə’ăḵēhh ûsăg̱ar pum ’arəyāwāṯā’ wəlā’ ḥabbəlûnî kāl-qŏḇēl dî qāḏāmôhî zāḵû hišətəḵaḥaṯ lî wə’ap̱ qāḏāmāḵ maləkā’ ḥăḇûlāh lā’ ‘aḇəḏēṯ 24 bē’ḏayin maləkā’ śaggî’ ṭə’ēḇ ‘ălôhî ûləḏāniyyē’l ’ămar ləhanəsāqāh min-gubbā’ wəhussaq dāniyyē’l min-gubbā’ wəḵāl-ḥăḇāl lā’-hišətəḵaḥ bēhh dî hêmin bē’lāhēhh 25 wa’ămar maləkā’ wəhayəṯîw guḇərayyā’ ’illēḵ dî-’ăḵalû qarəṣôhî dî ḏāniyyē’l ûləg̱ōḇ ’arəyāwāṯā’ rəmô ’innûn bənêhôn ûnəšêhôn wəlā’-məṭô lə’arə‘îṯ gubbā’ ‘aḏ dî-šəliṭû ḇəhôn ’arəyāwāṯā’ wəḵāl-garəmêhôn haddiqû 26 bē’ḏayin bē’ḏayin dārəyāweš dārəyāweš maləkā’ maləkā’ kəṯaḇ kəṯaḇ ləḵāl-ləḵāl-‘aməmayyā’ ‘aməmayyā’ ’umayyā’ ’umayyā’ wəliššānayyā’ wəliššānayyā’ dî-ḏāyərîn ḏāyərîn bəḵāl-’arə‘ā’ bəḵāl-šəlāməḵôn ’arə‘ā’ šəlāməḵôn yiśəgē’ yiśəgē’ 27 min-qŏḏāmay śîm ṭə‘ēm dî bəḵāl-šāləṭān maləḵûṯî lehĕwōn zāyə‘în wəḏāḥălîn min-qŏḏām ’ĕlāhēhh dî-ḏāniyyē’l dî-hû’ ’ĕlāhā’ ḥayyā’ wəqayyām lə‘āləmîn ûmaləḵûṯēhh dî-lā’ ṯiṯəḥabbal wəšāləṭānēhh ‘aḏ-sôp̱ā’ 28 məšêziḇ ûmaṣṣil wə‘āḇēḏ ’āṯîn wəṯiməhîn bišəmayyā’ ûḇə’arə‘ā’ dî šêzîḇ ləḏāniyyē’l min-yaḏ ’arəyāwāṯā’ 29 wəḏāniyyē’l dənāh haṣəlaḥ bəmaləḵûṯ dārəyāweš ûḇəmaləḵûṯ kôreš pārəsā’āh

TanakhML Project Website 2.7 | Originally Created by © 2004-2012 Alain Verboomen | Last updated 1 December 2023

Unless otherwise specified, all content on this website is licensed under a Creative Commons License

 

Powered by Cocoon 2.1 | Tomcat 4 | Apache 2 | PHP 7 | MariaDB 10

Hosted by the "Targoum" Project (Françoise-Anne Ménager, Emmanuel Dyan, Marc-Alain Ouaknin) | Registered with Register.be

 

TanakhML is a non-profit, self-financing project

You can help it by making a donation