| Text Browser | BHS | Parallel | KJV | Accents | Forms | Q-K | Diacritics | Hermeneutics |
| 2 Kings 11 | Ch- | Bk- | Save As | Bk+ | Ch+ | מלכים ב |
1 ועתליה אם אחזיהו ראתה כי מת בנה ותקם ותאבד את כל־זרע הממלכה׃ 2 ותקח יהושבע בת־המלך־יורם אחות אחזיהו את־יואש בן־אחזיה ותגנב אתו מתוך בני־המלך המומתים אתו ואת־מינקתו בחדר המטות ויסתרו אתו מפני עתליהו ולא הומת׃ 3 ויהי אתה בית יהוה מתחבא שש שנים ועתליה מלכת על־הארץ׃ 4 ובשנה השביעית שלח יהוידע ויקח׀ את־שרי המאות לכרי ולרצים ויבא אתם אליו בית יהוה ויכרת להם ברית וישבע אתם בבית יהוה וירא אתם את־בן־המלך׃ 5 ויצום לאמר זה הדבר אשר תעשון השלשית מכם באי השבת ושמרי משמרת בית המלך׃ 6 והשלשית בשער סור והשלשית בשער אחר הרצים ושמרתם את־משמרת הבית מסח׃ 7 ושתי הידות בכם כל יצאי השבת ושמרו את־משמרת בית־יהוה אל־המלך׃ 8 והקפתם על־המלך סביב איש וכליו בידו והבא אל־השדרות יומת והיו את־המלך בצאתו ובבאו׃ 9 ויעשו שרי המאות ככל אשר־צוה יהוידע הכהן ויקחו איש את־אנשיו באי השבת עם יצאי השבת ויבאו אל־יהוידע הכהן׃ 10 ויתן הכהן לשרי המאות את־החנית ואת־השלטים אשר למלך דוד אשר בבית יהוה׃ 11 ויעמדו הרצים איש׀ וכליו בידו מכתף הבית הימנית עד־כתף הבית השמאלית למזבח ולבית על־המלך סביב׃ 12 ויוצא את־בן־המלך ויתן עליו את־הנזר ואת־העדות וימלכו אתו וימשחהו ויכו־כף ויאמרו יחי המלך׃ 13 ותשמע עתליה את־קול הרצין העם ותבא אל־העם בית יהוה׃ 14 ותרא והנה המלך עמד על־העמוד כמשפט והשרים והחצצרות אל־המלך וכל־עם הארץ שמח ותקע בחצצרות ותקרע עתליה את־בגדיה ותקרא קשר קשר׃ 15 ויצו יהוידע הכהן את־שרי המאות׀ פקדי החיל ויאמר אליהם הוציאו אתה אל־מבית לשדרת והבא אחריה המת בחרב כי אמר הכהן אל־תומת בית יהוה׃ 16 וישמו לה ידים ותבוא דרך־מבוא הסוסים בית המלך ותומת שם׃ 17 ויכרת יהוידע את־הברית בין יהוה ובין המלך ובין העם להיות לעם ליהוה ובין המלך ובין העם׃ 18 ויבאו ויבאו כל־כל־עם עם הארץ הארץ בית־בית־הבעל הבעל ויתצהו ויתצהו את־מזבחתיו ואת־מזבחתיו צלמיו ואת־שברו צלמיו היטב שברו היטב ואת ואת מתן מתן כהן כהן הבעל הרגו הבעל הרגו לפני המזבחות לפני המזבחות וישם וישם הכהן הכהן פקדות על־פקדות על־בית יהוה׃ בית יהוה׃ 19 ויקח את־שרי המאות ואת־הכרי ואת־הרצים ואת׀ כל־עם הארץ וירידו את־המלך מבית יהוה ויבואו דרך־שער הרצים בית המלך וישב על־כסא המלכים׃ 20 וישמח כל־עם־הארץ והעיר שקטה ואת־עתליהו המיתו בחרב בית המלך׃