Text Browser | BHS | Parallel | KJV | Accents | Forms | Q-K | Diacritics | Hermeneutics |
Joel 3 | Ch- | Bk- | Save As | Bk+ | Ch+ | יואל |
1 והיה אחרי־כן אשפוך את־רוחי על־כל־בשר ונבאו בניכם ובנותיכם זקניכם חלמות יחלמון בחוריכם חזינות יראו׃ 2 וגם על־העבדים ועל־השפחות בימים ההמה אשפוך את־רוחי׃ 3 ונתתי מופתים בשמים ובארץ דם ואש ותימרות עשן׃ 4 השמש יהפך לחשך והירח לדם לפני בוא יום יהוה הגדול והנורא׃ 5 והיה כל אשר־יקרא בשם יהוה ימלט כי בהר־ציון ובירושלם תהיה פליטה כאשר אמר יהוה ובשרידים אשר יהוה קרא׃