Text Browser | BHS | Parallel | KJV | Accents | Forms | Q-K | Diacritics | Hermeneutics |
Job 35 | Ch- | Bk- | Save As | Bk+ | Ch+ | איוב |
1 וי֥ען אליה֗ו ויאמֽר׃ 2 ה֭זאת חש֣בת למשפ֑ט א֝מ֗רת צדק֥י מאֽל׃ 3 כֽי־ת֭אמר מה־יסכן־ל֑ך מֽה־א֝ע֗יל מֽחטאתֽי׃ 4 א֭ני אשֽיבך֣ מל֑ין וֽאת־רע֥יך עמֽך׃ 5 הב֣ט שמ֣ים ורא֑ה וש֥ור ש֝חק֗ים גבה֥ו ממֽך׃ 6 אם־ח֭טאת מה־תפעל־ב֑ו ורב֥ו פ֝שע֗יך מה־תעשה־לֽו׃ 7 אם־צ֭דקת מה־תתן־ל֑ו א֥ו מה־מידך֥ יקֽח׃ 8 לאיש־כמ֥וך רשע֑ך ולבן־א֝ד֗ם צדקתֽך׃ 9 מ֭רב עשוק֣ים יזע֑יקו ישוע֖ו מזר֣וע רבֽים׃ 10 וֽלא־אמ֗ר א֭יה אל֣וה עש֑י נת֖ן זמר֣ות בלֽילה׃ 11 מ֭לפנו מבהמ֣ות א֑רץ ומע֖וף השמ֣ים יחכמֽנו׃ 12 ש֣ם י֭צעקו ול֣א יענ֑ה מ֝פנ֗י גא֣ון רעֽים׃ 13 אך־ש֭וא לא־ישמ֥ע׀ א֑ל ו֝שד֗י ל֣א ישורֽנה׃ 14 א֣ף כֽי־ת֖אמר ל֣א תשור֑נו ד֥ין ל֝פנ֗יו ותח֥ולֽל לֽו׃ 15 ועת֗ה כי־א֭ין פק֣ד אפ֑ו ולֽא־יד֖ע בפ֣ש מאֽד׃ 16 ו֭איוב ה֣בל יפצה־פ֑יהו בבלי־ד֝֗עת מל֥ין יכבֽר׃