1 wayəḏabbēr yəhwāh ’el-mōšeh wə’el-’ahărōn lē’mōr 2 ’āḏām kî-yihəyeh ḇə‘ôr-bəśārô śə’ēṯ ’ô-sappaḥaṯ ’ô ḇahereṯ wəhāyāh ḇə‘ôr-bəśārô ləneg̱a‘ ṣārā‘aṯ wəhûḇā’ ’el-’ahărōn hakkōhēn ’ô ’el-’aḥaḏ mibbānāyw hakkōhănîm 3 wərā’āh hakkōhēn ’eṯ-hanneg̱a‘ bə‘ôr-habbāśār wəśē‘ār banneg̱a‘ hāp̱aḵ lāḇān ûmarə’ēh hanneg̱a‘ ‘āmōq mē‘ôr bəśārô neg̱a‘ ṣāra‘aṯ hû’ wərā’āhû hakkōhēn wəṭimmē’ ’ōṯô 4 wə’im-bahereṯ ləḇānāh hiw’ bə‘ôr bəśārô wə‘āmōq ’ên-marə’ehā min-hā‘ôr ûśə‘ārāh lō’-hāp̱aḵ lāḇān wəhisəgîr hakkōhēn ’eṯ-hanneg̱a‘ šiḇə‘aṯ yāmîm 5 wərā’āhû hakkōhēn bayyôm haššəḇî‘î wəhinnēh hanneg̱a‘ ‘āmaḏ bə‘ênāyw lō’-p̱āśāh hanneg̱a‘ bā‘ôr wəhisəgîrô hakkōhēn šiḇə‘aṯ yāmîm šēnîṯ 6 wərā’āh hakkōhēn ’ōṯô bayyôm haššəḇî‘î šēnîṯ wəhinnēh kēhāh hanneg̱a‘ wəlō’-p̱āśāh hanneg̱a‘ bā‘ôr wəṭihărô hakkōhēn misəpaḥaṯ hî’ wəḵibbes bəg̱āḏāyw wəṭāhēr 7 wə’im-pāśōh ṯip̱əśeh hammisəpaḥaṯ bā‘ôr ’aḥărê hērā’ōṯô ’el-hakkōhēn ləṭāhŏrāṯô wənirə’āh šēnîṯ ’el-hakkōhēn 8 wərā’āh hakkōhēn wəhinnēh pāśəṯāh hammisəpaḥaṯ bā‘ôr wəṭimmə’ô hakkōhēn ṣāra‘aṯ hiw’ 9 neg̱a‘ ṣāra‘aṯ kî ṯihəyeh bə’āḏām wəhûḇā’ ’el-hakkōhēn 10 wərā’āh hakkōhēn wəhinnēh śə’ēṯ-ləḇānāh bā‘ôr wəhî’ hāp̱əḵāh śē‘ār lāḇān ûmiḥəyaṯ bāśār ḥay baśə’ēṯ 11 ṣāra‘aṯ nôšeneṯ hiw’ bə‘ôr bəśārô wəṭimmə’ô hakkōhēn lō’ yasəgirennû kî ṭāmē’ hû’ 12 wə’im-pārôaḥ tip̱əraḥ haṣṣāra‘aṯ bā‘ôr wəḵissəṯāh haṣṣāra‘aṯ ’ēṯ kāl-‘ôr hanneg̱a‘ mērō’šô wə‘aḏ-rag̱əlāyw ləḵāl-marə’ēh ‘ênê hakkōhēn 13 wərā’āh hakkōhēn wəhinnēh ḵissəṯāh haṣṣāra‘aṯ ’eṯ-kāl-bəśārô wəṭihar ’eṯ-hannāg̱a‘ kullô hāp̱aḵ lāḇān ṭāhôr hû’ 14 ûḇəyôm hērā’ôṯ bô bāśār ḥay yiṭəmā’ 15 wərā’āh hakkōhēn ’eṯ-habbāśār haḥay wəṭimmə’ô habbāśār haḥay ṭāmē’ hû’ ṣāra‘aṯ hû’ 16 ’ô ḵî yāšûḇ habbāśār haḥay wənehəpaḵ ləlāḇān ûḇā’ ’el-hakkōhēn 17 wərā’āhû hakkōhēn wəhinnēh nehəpaḵ hanneg̱a‘ ləlāḇān wəṭihar hakkōhēn ’eṯ-hanneg̱a‘ ṭāhôr hû’ 18 ûḇāśār kî-yihəyeh ḇô-ḇə‘ōrô šəḥîn wənirəpā’ 19 wəhāyāh biməqôm haššəḥîn śə’ēṯ ləḇānāh ’ô ḇahereṯ ləḇānāh ’ăḏamədāmeṯ wənirə’āh ’el-hakkōhēn 20 wərā’āh hakkōhēn wəhinnēh marə’ehā šāp̱āl min-hā‘ôr ûśə‘ārāhh hāp̱aḵ lāḇān wəṭimmə’ô hakkōhēn neg̱a‘-ṣāra‘aṯ hiw’ baššəḥîn pārāḥāh 21 wə’im yirə’ennāh hakkōhēn wəhinnēh ’ên-bāhh śē‘ār lāḇān ûšəp̱ālāh ’ênennāh min-hā‘ôr wəhî’ ḵēhāh wəhisəgîrô hakkōhēn šiḇə‘aṯ yāmîm 22 wə’im-pāśōh ṯip̱əśeh bā‘ôr wəṭimmē’ hakkōhēn ’ōṯô neg̱a‘ hiw’ 23 wə’im-taḥəteyhā ta‘ămōḏ habbahereṯ lō’ p̱āśāṯāh ṣāreḇeṯ haššəḥîn hiw’ wəṭihărô hakkōhēn 24 ’ô ḇāśār kî-yihəyeh ḇə‘ōrô miḵəwaṯ-’ēš wəhāyəṯāh miḥəyaṯ hammiḵəwāh bahereṯ ləḇānāh ’ăḏamədemeṯ ’ô ləḇānāh 25 wərā’āh ’ōṯāhh hakkōhēn wəhinnēh nehəpaḵ śē‘ār lāḇān babbahereṯ ûmarə’ehā ‘āmōq min-hā‘ôr ṣāra‘aṯ hiw’ bammiḵəwāh pārāḥāh wəṭimmē’ ’ōṯô hakkōhēn neg̱a‘ ṣāra‘aṯ hiw’ 26 wə’im yirə’ennāh hakkōhēn wəhinnēh ’ên-babbehereṯ śē‘ār lāḇān ûšəp̱ālāh ’ênennāh min-hā‘ôr wəhiw’ ḵēhāh wəhisəgîrô hakkōhēn šiḇə‘aṯ yāmîm 27 wərā’āhû hakkōhēn bayyôm haššəḇî‘î ’im-pāśōh ṯip̱əśeh bā‘ôr wəṭimmē’ hakkōhēn ’ōṯô neg̱a‘ ṣāra‘aṯ hiw’ 28 wə’im-taḥəteyhā ṯa‘ămōḏ habbahereṯ lō’-p̱āśəṯāh ḇā‘ôr wəhiw’ ḵēhāh śə’ēṯ hammiḵəwāh hiw’ wəṭihărô hakkōhēn kî-ṣāreḇeṯ hammiḵəwāh hiw’ 29 wə’îš ’ô ’iššāh kî-yihəyeh ḇô nāg̱a‘ bərō’š ’ô ḇəzāqān 30 wərā’āh hakkōhēn ’eṯ-hanneg̱a‘ wəhinnēh marə’ēhû ‘āmōq min-hā‘ôr ûḇô śē‘ār ṣāhōḇ dāq wəṭimmē’ ’ōṯô hakkōhēn neṯeq hû’ ṣāra‘aṯ hārō’š ’ô hazzāqān hû’ 31 wəḵî-yirə’eh hakkōhēn ’eṯ-neg̱a‘ hanneṯeq wəhinnēh ’ên-marə’ēhû ‘āmōq min-hā‘ôr wəśē‘ār šāḥōr ’ên bô wəhisəgîr hakkōhēn ’eṯ-neg̱a‘ hanneṯeq šiḇə‘aṯ yāmîm 32 wərā’āh hakkōhēn ’eṯ-hanneg̱a‘ bayyôm haššəḇî‘î wəhinnēh lō’-p̱āśāh hanneṯeq wəlō’-hāyāh ḇô śē‘ār ṣāhōḇ ûmarə’ēh hanneṯeq ’ên ‘āmōq min-hā‘ôr 33 wəhiṯəgallāḥ wə’eṯ-hanneṯeq lō’ yəg̱allēaḥ wəhisəgîr hakkōhēn ’eṯ-hanneṯeq šiḇə‘aṯ yāmîm šēnîṯ 34 wərā’āh hakkōhēn ’eṯ-hanneṯeq bayyôm haššəḇî‘î wəhinnēh lō’-p̱āśāh hanneṯeq bā‘ôr ûmarə’ēhû ’ênennû ‘āmōq min-hā‘ôr wəṭihar ’ōṯô hakkōhēn wəḵibbes bəg̱āḏāyw wəṭāhēr 35 wə’im-pāśōh yip̱əśeh hanneṯeq bā‘ôr ’aḥărê ṭāhŏrāṯô 36 wərā’āhû hakkōhēn wəhinnēh pāśāh hanneṯeq bā‘ôr lō’-yəḇaqqēr hakkōhēn laśśē‘ār haṣṣāhōḇ ṭāmē’ hû’ 37 wə’im-bə‘ênāyw ‘āmaḏ hanneṯeq wəśē‘ār šāḥōr ṣāmaḥ-bô nirəpā’ hanneṯeq ṭāhôr hû’ wəṭihărô hakkōhēn 38 wə’îš ’ô-’iššāh kî-yihəyeh ḇə‘ôr-bəśārām behārōṯ behārōṯ ləḇānōṯ 39 wərā’āh hakkōhēn wəhinnēh ḇə‘ôr-bəśārām behārōṯ kēhôṯ ləḇānōṯ bōhaq hû’ pāraḥ bā‘ôr ṭāhôr hû’ 40 wə’îš kî yimmārēṭ rō’šô qērēaḥ hû’ ṭāhôr hû’ 41 wə’im mippə’aṯ pānāyw yimmārēṭ rō’šô gibbēaḥ hû’ ṭāhôr hû’ 42 wəḵî-yihəyeh ḇaqqāraḥaṯ ’ô ḇaggabbaḥaṯ neg̱a‘ lāḇān ’ăḏamədām ṣāra‘aṯ pōraḥaṯ hiw’ bəqāraḥətô ’ô ḇəg̱abbaḥətô 43 wərā’āh ’ōṯô hakkōhēn wəhinnēh śə’ēṯ-hanneg̱a‘ ləḇānāh ’ăḏamədemeṯ bəqāraḥətô ’ô ḇəg̱abbaḥətô kəmarə’ēh ṣāra‘aṯ ‘ôr bāśār 44 ’îš-ṣārûa‘ hû’ ṭāmē’ hû’ ṭammē’ yəṭammə’ennû hakkōhēn bərō’šô nig̱ə‘ô 45 wəhaṣṣārûa‘ ’ăšer-bô hanneg̱a‘ bəg̱āḏāyw yihəyû p̱ərumîm wərō’šô yihəyeh p̱ārûa‘ wə‘al-śāp̱ām ya‘əṭeh wəṭāmē’ ṭāmē’ yiqərā’ 46 kāl-yəmê ’ăšer hanneg̱a‘ bô yiṭəmā’ ṭāmē’ hû’ bāḏāḏ yēšēḇ miḥûṣ lammaḥăneh môšāḇô 47 wəhabbeg̱eḏ kî-yihəyeh ḇô neg̱a‘ ṣārā‘aṯ bəḇeg̱eḏ ṣemer ’ô bəḇeg̱eḏ pišətîm 48 ’ô ḇišəṯî ’ô ḇə‘ēreḇ lappišətîm wəlaṣṣāmer ’ô ḇə‘ôr ’ô bəḵāl-məle’ḵeṯ ‘ôr 49 wəhāyāh hanneg̱a‘ yəraqəraq ’ô ’ăḏamədām babbeg̱eḏ ’ô ḇā‘ôr ’ô-ḇaššəṯî ’ô-ḇā‘ēreḇ ’ô ḇəḵāl-kəlî-‘ôr neg̱a‘ ṣāra‘aṯ hû’ wəhārə’āh ’eṯ-hakkōhēn 50 wərā’āh hakkōhēn ’eṯ-hannāg̱a‘ wəhisəgîr ’eṯ-hanneg̱a‘ šiḇə‘aṯ yāmîm 51 wərā’āh ’eṯ-hanneg̱a‘ bayyôm haššəḇî‘î kî-p̱āśāh hanneg̱a‘ babbeg̱eḏ ’ô-ḇaššəṯî ’ô-ḇā‘ēreḇ ’ô ḇā‘ôr ləḵōl ’ăšer-yē‘āśeh hā‘ôr liməlā’ḵāh ṣāra‘aṯ mamə’ereṯ hanneg̱a‘ ṭāmē’ hû’ 52 wəśārap̱ ’eṯ-habbeg̱eḏ ’ô ’eṯ-haššəṯî ’ô ’eṯ-hā‘ēreḇ baṣṣemer ’ô ḇappišətîm ’ô ’eṯ-kāl-kəlî hā‘ôr ’ăšer-yihəyeh ḇô hannāg̱a‘ kî-ṣāra‘aṯ mamə’ereṯ hiw’ bā’ēš tiśśārēp̱ 53 wə’im yirə’eh hakkōhēn wəhinnēh lō’-p̱āśāh hanneg̱a‘ babbeg̱eḏ ’ô ḇaššəṯî ’ô ḇā‘ēreḇ ’ô bəḵāl-kəlî-‘ôr 54 wəṣiwwāh hakkōhēn wəḵibbəsû ’ēṯ ’ăšer-bô hannāg̱a‘ wəhisəgîrô šiḇə‘aṯ-yāmîm šēnîṯ 55 wərā’āh hakkōhēn ’aḥărê hukkabbēs ’eṯ-hanneg̱a‘ wəhinnēh lō’-hāp̱aḵ hanneg̱a‘ ’eṯ-‘ênô wəhanneg̱a‘ lō’-p̱āśāh ṭāmē’ hû’ bā’ēš tiśərəp̱ennû pəḥeṯeṯ hiw’ bəqāraḥətô ’ô ḇəg̱abbaḥətô 56 wə’im rā’āh hakkōhēn wəhinnēh kēhāh hanneg̱a‘ ’aḥărê hukkabbēs ’ōṯô wəqāra‘ ’ōṯô min-habbeg̱eḏ ’ô min-hā‘ôr ’ô min-haššəṯî ’ô min-hā‘ēreḇ 57 wə’im-tērā’eh ‘ôḏ babbeg̱eḏ ’ô-ḇaššəṯî ’ô-ḇā‘ēreḇ ’ô ḇəḵāl-kəlî-‘ôr pōraḥaṯ hiw’ bā’ēš tiśərəp̱ennû ’ēṯ ’ăšer-bô hannāg̱a‘ 58 wəhabbeg̱eḏ ’ô-haššəṯî ’ô-hā‘ēreḇ ’ô-ḵāl-kəlî hā‘ôr ’ăšer təḵabbēs wəsār mēhem hannāg̱a‘ wəḵubbas šēnîṯ wəṭāhēr 59 zō’ṯ tôraṯ neg̱a‘-ṣāra‘aṯ beg̱eḏ haṣṣemer ’ô happišətîm ’ô haššəṯî ’ô hā‘ēreḇ ’ô kāl-kəlî-‘ôr ləṭahărô ’ô ləṭammə’ô

TanakhML Project Website 2.7 | Originally Created by © 2004-2012 Alain Verboomen | Last updated 1 December 2023

Unless otherwise specified, all content on this website is licensed under a Creative Commons License

 

Powered by Cocoon 2.1 | Tomcat 4 | Apache 2 | PHP 7 | MariaDB 10

Hosted by the "Targoum" Project (Françoise-Anne Ménager, Emmanuel Dyan, Marc-Alain Ouaknin) | Registered with Register.be

 

TanakhML is a non-profit, self-financing project

You can help it by making a donation