| Text Browser | BHS | Parallel | KJV | Accents | Forms | Q-K | Diacritics | Hermeneutics |
| Genesis 6 | Ch- | Bk- | Save As | Bk+ | Ch+ | בראשית |
1 וֽיהי֙ כֽי־הח֣ל הֽאד֔ם לר֖ב על־פנ֣י הֽאדמ֑ה ובנ֖ות ילד֥ו להֽם׃ 2 וירא֤ו בני־הֽאלהים֙ את־בנ֣ות הֽאד֔ם כ֥י טב֖ת ה֑נה ויקח֤ו להם֙ נש֔ים מכ֖ל אש֥ר בחֽרו׃ 3 וי֣אמר יהו֗ה לֽא־יד֨ון רוח֤י בֽאדם֙ לעל֔ם בשג֖ם ה֣וא בש֑ר והי֣ו ימ֔יו מא֥ה ועשר֖ים שנֽה׃ 4 הנפל֞ים הי֣ו בארץ֘ בימ֣ים ההם֒ וג֣ם אֽחרי־כ֗ן אש֨ר יב֜או בנ֤י הֽאלהים֙ אל־בנ֣ות הֽאד֔ם וילד֖ו לה֑ם ה֧מה הגבר֛ים אש֥ר מעול֖ם אנש֥י השֽם׃ 5 וי֣רא יהו֔ה כ֥י רב֛ה רע֥ת האד֖ם בא֑רץ וכל־י֙צר֙ מחשב֣ת לב֔ו ר֥ק ר֖ע כל־היֽום׃ 6 וינ֣חם יהו֔ה כֽי־עש֥ה את־הֽאד֖ם בא֑רץ ויתעצ֖ב אל־לבֽו׃ 7 וי֣אמר יהו֗ה אמח֨ה את־האד֤ם אשר־בר֙אתי֙ מעל֙ פנ֣י הֽאדמ֔ה מֽאדם֙ עד־בהמ֔ה עד־ר֖מש ועד־ע֣וף השמ֑ים כ֥י נח֖מתי כ֥י עשיתֽם׃ 8 ונ֕ח מ֥צא ח֖ן בעינ֥י יהוֽה׃ 9 א֚לה תולד֣ת נ֔ח נ֗ח א֥יש צד֛יק תמ֥ים הי֖ה בדֽרת֑יו את־הֽאלה֖ים הֽתהלך־נֽח׃ 10 וי֥ולד נ֖ח שלש֣ה בנ֑ים את־ש֖ם את־ח֥ם ואת־יֽפת׃ 11 ותשח֥ת הא֖רץ לפנ֣י הֽאלה֑ים ותמל֥א הא֖רץ חמֽס׃ 12 וי֧רא אלה֛ים את־הא֖רץ והנ֣ה נשח֑תה כֽי־השח֧ית כל־בש֛ר את־דרכ֖ו על־האֽרץ׃ 13 וי֨אמר אלה֜ים לנ֗ח ק֤ץ כל־בשר֙ ב֣א לפנ֔י כֽי־מלא֥ה הא֛רץ חמ֖ס מפניה֑ם והננ֥י משחית֖ם את־האֽרץ׃ 14 עש֤ה לך֙ תב֣ת עצי־ג֔פר קנ֖ים תֽעש֣ה את־התב֑ה וכֽפרת֥ את֛ה מב֥ית ומח֖וץ בכֽפר׃ 15 וז֕ה אש֥ר תֽעש֖ה את֑ה של֧ש מא֣ות אמ֗ה א֚רך התב֔ה חמש֤ים אמה֙ רחב֔ה ושלש֥ים אמ֖ה קומתֽה׃ 16 צ֣הר׀ תעש֣ה לתב֗ה ואל־אמה֙ תכל֣נה מלמ֔עלה ופ֥תח התב֖ה בצד֣ה תש֑ים תחתי֛ם שני֥ם ושלש֖ים תֽעשֽה׃ 17 ואנ֗י הנני֩ מב֨יא את־המב֥ול מ֙ים֙ על־הא֔רץ לשח֣ת כל־בש֗ר אשר־בו֙ ר֣וח חי֔ים מת֖חת השמ֑ים כ֥ל אשר־בא֖רץ יגוֽע׃ 18 והקמת֥י את־ברית֖י את֑ך ובאת֙ אל־התב֔ה את֕ה ובנ֛יך ואשתך֥ ונשֽי־בנ֖יך אתֽך׃ 19 ומכל־ה֠חי מֽכל־בש֞ר שנ֧ים מכ֛ל תב֥יא אל־התב֖ה להחי֣ת את֑ך זכ֥ר ונקב֖ה יֽהיֽו׃ 20 מהע֣וף למינ֗הו ומן־הבהמה֙ למינ֔ה מכ֛ל ר֥מש הֽאדמ֖ה למינ֑הו שנ֧ים מכ֛ל יב֥או אל֖יך להֽחיֽות׃ 21 ואת֣ה קח־לך֗ מכל־מֽאכל֙ אש֣ר יֽאכ֔ל ואספת֖ אל֑יך והי֥ה לך֛ ולה֖ם לאכלֽה׃ 22 וי֖עש נ֑ח כ֠כל אש֨ר צו֥ה את֛ו אלה֖ים כ֥ן עשֽה׃