| Text Browser | BHS | Parallel | KJV | Accents | Forms | Q-K | Diacritics | Hermeneutics |
| Isaiah 20 | Ch- | Bk- | Save As | Bk+ | Ch+ | ישעיהו |
1 בשנ֨ת ב֤א תרתן֙ אשד֔ודה בשל֣ח את֔ו סֽרג֖ון מ֣לך אש֑ור ויל֥חם באשד֖וד וֽילכדֽה׃ 2 בע֣ת הה֗יא דב֣ר יהוה֘ בי֣ד ישעי֣הו בן־אמוץ֘ לאמר֒ ל֗ך ופתחת֤ השק֙ מע֣ל מתנ֔יך ונעלך֥ תחל֖ץ מע֣ל רגל֑יך וי֣עש כ֔ן הל֖ך ער֥ום ויחֽף׃ 3 וי֣אמר יהו֔ה כאש֥ר הל֛ך עבד֥י ישעי֖הו ער֣ום ויח֑ף של֤ש שנים֙ א֣ות ומופ֔ת על־מצר֖ים ועל־כֽוש׃ 4 כ֣ן ינה֣ג מֽלך־א֠שור את־שב֨י מצר֜ים ואת־גל֥ות כ֛וש נער֥ים וזקנ֖ים ער֣ום ויח֑ף וחשופ֥י ש֖ת ערו֥ת מצרֽים׃ 5 וחת֖ו וב֑שו מכוש֙ מבט֔ם ומן־מצר֖ים תפארתֽם׃ 6 ו֠אמר יש֨ב הא֣י הזה֘ בי֣ום ההוא֒ הנה־כ֣ה מבט֗נו אשר־נ֤סנו שם֙ לעזר֔ה לה֨נצ֔ל מפנ֖י מ֣לך אש֑ור וא֖יך נמל֥ט אנֽחנו׃