Text Browser | BHS | Parallel | KJV | Accents | Forms | Q-K | Diacritics | Hermeneutics |
Isaiah 54 | Ch- | Bk- | Save As | Bk+ | Ch+ | ישעיהו |
1 רנ֥י עקר֖ה ל֣א יל֑דה פצח֨י רנ֤ה וצהלי֙ לא־ח֔לה כֽי־רב֧ים בֽני־שוממ֛ה מבנ֥י בעול֖ה אמ֥ר יהוֽה׃ 2 הרח֣יבי׀ מק֣ום אהל֗ך ויריע֧ות משכנות֛יך יט֖ו אל־תחש֑כי האר֙יכי֙ מֽיתר֔יך ויתדת֖יך חזֽקי׃ 3 כי־ימ֥ין ושמ֖אול תפר֑צי וזרעך֙ גוי֣ם ייר֔ש וער֥ים נשמ֖ות יושֽיבו׃ 4 אל־תֽיראי֙ כי־ל֣א תב֔ושי ואל־תכלמ֖י כ֣י ל֣א תחפ֑ירי כ֣י ב֤שת עלומ֙יך֙ תשכ֔חי וחרפ֥ת אלמנות֖יך ל֥א תזכרי־עֽוד׃ 5 כ֤י בעל֙יך֙ עש֔יך יהו֥ה צבא֖ות שמ֑ו וגֽאלך֙ קד֣וש ישרא֔ל אלה֥י כל־הא֖רץ יקרֽא׃ 6 כֽי־כאש֧ה עזוב֛ה ועצ֥ובת ר֖וח קרא֣ך יהו֑ה וא֧שת נעור֛ים כ֥י תמא֖ס אמ֥ר אלהֽיך׃ 7 בר֥גע קט֖ן עזבת֑יך וברחמ֥ים גדל֖ים אקבצֽך׃ 8 בש֣צף ק֗צף הסת֨רתי פנ֥י ר֙גע֙ ממ֔ך ובח֥סד עול֖ם רֽחמת֑יך אמ֥ר גאל֖ך יהוֽה׃ 9 כי־מ֥י נ֙ח֙ ז֣את ל֔י אש֣ר נשב֗עתי מעב֥ר מי־נ֛ח ע֖וד על־הא֑רץ כ֥ן נשב֛עתי מקצ֥ף על֖יך ומגער־בֽך׃ 10 כ֤י הֽהרים֙ ימ֔ושו והגבע֖ות תמוט֑נה וחסד֞י מאת֣ך לֽא־ימ֗וש ובר֤ית שלומי֙ ל֣א תמ֔וט אמ֥ר מרחמ֖ך יהוֽה׃ 11 עני֥ה סער֖ה ל֣א נח֑מה הנ֨ה אנכ֜י מרב֤יץ בפוך֙ אבנ֔יך ויסדת֖יך בספירֽים׃ 12 ושמת֤י כֽדכד֙ שמשת֔יך ושער֖יך לאבנ֣י אקד֑ח וכל־גבול֖ך לאבני־חֽפץ׃ 13 וכל־בנ֖יך למוד֣י יהו֑ה ור֖ב של֥ום בנֽיך׃ 14 בצדק֖ה תכונ֑ני רחק֤י מע֙שק֙ כֽי־ל֣א תיר֔אי ומ֨מחת֔ה כ֥י לֽא־תקר֖ב אלֽיך׃ 15 ה֣ן ג֥ור יג֛ור א֖פס מֽאות֑י מי־ג֥ר את֖ך על֥יך יפֽול׃ 16 הנ֤ה אֽנכי֙ בר֣אתי חר֔ש נפ֙ח֙ בא֣ש פח֔ם ומוצ֥יא כל֖י למעש֑הו ואנכ֛י בר֥אתי משח֖ית לחבֽל׃ 17 כל־כל֞י יוצ֤ר על֙יך֙ ל֣א יצל֔ח וכל־לש֛ון תֽקום־את֥ך למשפ֖ט תרש֑יעי ז֡את נחלת֩ עבד֨י יהו֧ה וצדקת֛ם מאת֖י נאם־יהוֽה׃