| Text Browser | BHS | Parallel | KJV | Accents | Forms | Q-K | Diacritics | Hermeneutics |
| Hosea 3 | Ch- | Bk- | Save As | Bk+ | Ch+ | הושע |
1 וי֨אמר יהו֜ה אל֗י ע֚וד ל֣ך אֽהב־אש֔ה אה֥בת ר֖ע ומנא֑פת כאהב֤ת יהוה֙ את־בנ֣י ישרא֔ל וה֗ם פנים֙ אל־אלה֣ים אחר֔ים ואהב֖י אשיש֥י ענבֽים׃ 2 ואכר֣ה ל֔י בחמש֥ה עש֖ר כ֑סף וח֥מר שער֖ים ול֥תך שערֽים׃ 3 ואמ֣ר אל֗יה ימ֤ים רבים֙ ת֣שבי ל֔י ל֣א תזנ֔י ול֥א תֽהי֖י לא֑יש וגם־אנ֖י אלֽיך׃ 4 כ֣י׀ ימ֣ים רב֗ים יֽשבו֙ בנ֣י ישרא֔ל א֥ין מ֙לך֙ וא֣ין ש֔ר וא֥ין ז֖בח וא֣ין מצב֑ה וא֥ין אפ֖וד ותרפֽים׃ 5 אח֗ר יש֙בו֙ בנ֣י ישרא֔ל ובקשו֙ את־יהו֣ה אלהיה֔ם וא֖ת דו֣ד מלכ֑ם ופחד֧ו אל־יהו֛ה ואל־טוב֖ו באחר֥ית הימֽים׃