Text Browser | BHS | Parallel | KJV | Accents | Forms | Q-K | Diacritics | Hermeneutics |
Zechariah 13 | Ch- | Bk- | Save As | Bk+ | Ch+ | זכריה |
1 בַּיֹּום הַהוּא יִהְיֶה מָקֹור נִפְתָּח לְבֵית דָּוִיד וּלְיֹשְׁבֵי יְרוּשָׁלִָם לְחַטַּאת וּלְנִדָּה׃ 2 וְהָיָה בַיֹּום הַהוּא נְאֻם׀ יְהוָה צְבָאֹות אַכְרִית אֶת־שְׁמֹות הָעֲצַבִּים מִן־הָאָרֶץ וְלֹא יִזָּכְרוּ עֹוד וְגַם אֶת־הַנְּבִיאִים וְאֶת־רוּחַ הַטֻּמְאָה אַעֲבִיר מִן־הָאָרֶץ׃ 3 וְהָיָה כִּי־יִנָּבֵא אִישׁ עֹוד וְאָמְרוּ אֵלָיו אָבִיו וְאִמֹּו יֹלְדָיו לֹא תִחְיֶה כִּי שֶׁקֶר דִּבַּרְתָּ בְּשֵׁם יְהוָה וּדְקָרֻהוּ אָבִיהוּ וְאִמֹּו יֹלְדָיו בְּהִנָּבְאֹו׃ 4 וְהָיָה׀ בַּיֹּום הַהוּא יֵבֹשׁוּ הַנְּבִיאִים אִישׁ מֵחֶזְיֹנֹו בְּהִנָּבְאֹתֹו וְלֹא יִלְבְּשׁוּ אַדֶּרֶת שֵׂעָר לְמַעַן כַּחֵשׁ׃ 5 וְאָמַר לֹא נָבִיא אָנֹכִי אִישׁ־עֹבֵד אֲדָמָה אָנֹכִי כִּי אָדָם הִקְנַנִי מִנְּעוּרָי׃ 6 וְאָמַר אֵלָיו מָה הַמַּכֹּות הָאֵלֶּה בֵּין יָדֶיךָ וְאָמַר אֲשֶׁר הֻכֵּיתִי בֵּית מְאַהֲבָי׃ 7 חֶרֶב עוּרִי עַל־רֹעִי וְעַל־גֶּבֶר עֲמִיתִי נְאֻם יְהוָה צְבָאֹות הַךְ אֶת־הָרֹעֶה וּתְפוּצֶיןָ הַצֹּאן וַהֲשִׁבֹתִי יָדִי עַל־הַצֹּעֲרִים׃ 8 וְהָיָה בְכָל־הָאָרֶץ נְאֻם־יְהוָה פִּי־שְׁנַיִם בָּהּ יִכָּרְתוּ יִגְוָעוּ וְהַשְּׁלִשִׁית יִוָּתֶר בָּהּ׃ 9 וְהֵבֵאתִי וְהֵבֵאתִי אֶת־אֶת־הַשְּׁלִשִׁית הַשְּׁלִשִׁית בָּאֵשׁ בָּאֵשׁ וּצְרַפְתִּים וּצְרַפְתִּים כִּצְרֹף כִּצְרֹף אֶת־אֶת־הַכֶּסֶף הַכֶּסֶף וּבְחַנְתִּים וּבְחַנְתִּים כִּבְחֹן כִּבְחֹן אֶת־אֶת־הַזָּהָב הַזָּהָב הוּא׀ הוּא׀ יִקְרָא יִקְרָא בִשְׁמִי בִשְׁמִי וַאֲנִי אֶעֱנֶה אֶעֱנֶה אֹתֹו אֹתֹו אָמַרְתִּי אָמַרְתִּי עַמִּי הוּא עַמִּי הוּא וְהוּא וְהוּא יֹאמַר יֹאמַר יְהוָה יְהוָה אֱלֹהָי׃ אֱלֹהָי׃