Text Browser | BHS | Parallel | KJV | Accents | Forms | Q-K | Diacritics | Hermeneutics |
Psalms 112 | Ch- | Bk- | Save As | Bk+ | Ch+ | תהלים |
1 ה֥ללו י֨ה׀ אשרי־א֭יש יר֣א את־יהו֑ה ב֝מצות֗יו חפ֥ץ מאֽד׃ 2 גב֣ור ב֭ארץ יהי֣ה זרע֑ו ד֭ור ישר֣ים יברֽך׃ 3 הון־וע֥שר בבית֑ו ו֝צדקת֗ו עמ֥דת לעֽד׃ 4 ז֮ר֤ח בח֣שך א֖ור לישר֑ים חנ֖ון ורח֣ום וצדֽיק׃ 5 טֽוב־א֭יש חונ֣ן ומלו֑ה יכלכ֖ל דבר֣יו במשפֽט׃ 6 כֽי־לעול֥ם לא־ימ֑וט לז֥כר ע֝ול֗ם יהי֥ה צדֽיק׃ 7 משמוע֣ה ר֭עה ל֣א ייר֑א נכ֥ון ל֝ב֗ו בט֥ח ביהוֽה׃ 8 סמ֣וך ל֭בו ל֣א ייר֑א ע֖ד אשר־ירא֣ה בצרֽיו׃ 9 פז֤ר׀ נ֮ת֤ן לאביונ֗ים צ֭דקתו עמ֣דת לע֑ד ק֝רנ֗ו תר֥ום בכבֽוד׃ 10 ר֮ש֤ע ירא֨ה׀ וכע֗ס שנ֣יו יחר֣ק ונמ֑ס תאו֖ת רשע֣ים תאבֽד׃