Text Browser | BHS | Parallel | KJV | Accents | Forms | Q-K | Diacritics | Hermeneutics |
Psalms 122 | Ch- | Bk- | Save As | Bk+ | Ch+ | תהלים |
1 שיר המעלות לדוד שמחתי באמרים לי בית יהוה נלך׃ 2 עמדות היו רגלינו בשעריך ירושלם׃ 3 ירושלם הבנויה כעיר שחברה־לה יחדו׃ 4 ששם עלו שבטים שבטי־יה עדות לישראל להדות לשם יהוה׃ 5 כי שמה׀ ישבו כסאות למשפט כסאות לבית דויד׃ 6 שאלו שלום ירושלם ישליו אהביך׃ 7 יהי־שלום בחילך שלוה בארמנותיך׃ 8 למען אחי ורעי אדברה־נא שלום בך׃ 9 למען בית־יהוה אלהינו אבקשה טוב לך׃