Text Browser | BHS | Parallel | KJV | Accents | Forms | Q-K | Diacritics | Hermeneutics |
Psalms 122 | Ch- | Bk- | Save As | Bk+ | Ch+ | תהלים |
1 ש֥יר הֽמעל֗ות לד֫ו֥ד ש֭מחתי באמר֣ים ל֑י ב֖ית יהו֣ה נלֽך׃ 2 ע֭מדות הי֣ו רגל֑ינו ב֝שער֗יך ירושלֽם׃ 3 ירושל֥ם הבנוי֑ה כ֝ע֗יר שחברה־ל֥ה יחדֽו׃ 4 שש֨ם על֪ו שבט֡ים שבטי־י֭ה עד֣ות לישרא֑ל ל֝הד֗ות לש֣ם יהוֽה׃ 5 כ֤י ש֨מה׀ ישב֣ו כסא֣ות למשפ֑ט כ֝סא֗ות לב֣ית דוֽיד׃ 6 ש֭אלו של֣ום ירושל֑ם י֝של֗יו אהבֽיך׃ 7 יהֽי־של֥ום בחיל֑ך ש֝לו֗ה בארמנותֽיך׃ 8 ל֭מען אח֣י ורע֑י אדברה־נ֖א של֣ום בֽך׃ 9 ל֭מען בית־יהו֣ה אלה֑ינו אבקש֖ה ט֣וב לֽך׃