Text Browser | BHS | Parallel | KJV | Accents | Forms | Q-K | Diacritics | Hermeneutics |
Psalms 141 | Ch- | Bk- | Save As | Bk+ | Ch+ | תהלים |
1 מזמ֗ור לד֫ו֥ד יהו֣ה ק֭ראתיך ח֣ושה ל֑י האז֥ינה ק֝ול֗י בקראי־לֽך׃ 2 תכ֤ון תפלת֣י קט֣רת לפנ֑יך מֽשא֥ת כ֝פ֗י מנחת־עֽרב׃ 3 שית֣ה י֭הוה שמר֣ה לפ֑י נ֝צר֗ה על־ד֥ל שפתֽי׃ 4 אל־תט־לב֨י לדב֪ר׀ ר֡ע להתע֮ול֤ל עלל֨ות׀ בר֗שע את־איש֥ים פֽעלי־א֑ון ובל־א֝לח֗ם במנעמיהֽם׃ 5 יֽהלמֽני־צד֨יק׀ ח֡סד וֽיוכיח֗ני ש֣מן ר֭אש אל־ינ֣י ראש֑י כי־ע֥וד ו֝תפלת֗י ברעותיהֽם׃ 6 נשמט֣ו בֽידי־ס֭לע שפטיה֑ם ושמע֥ו א֝מר֗י כ֣י נעֽמו׃ 7 כמ֤ו פל֣ח ובק֣ע בא֑רץ נפזר֥ו ע֝צמ֗ינו לפ֣י שאֽול׃ 8 כ֤י אל֨יך׀ יהו֣ה אדנ֣י עינ֑י בכ֥ה ח֝ס֗יתי אל־תע֥ר נפשֽי׃ 9 שמר֗ני מ֣ידי פ֭ח י֣קשו ל֑י ו֝מקש֗ות פ֣עלי אֽון׃ 10 יפל֣ו במכמר֣יו רשע֑ים י֥חד א֝נכ֗י עֽד־אעבֽור׃