Text Browser | BHS | Parallel | KJV | Accents | Forms | Q-K | Diacritics | Hermeneutics |
Psalms 144 | Ch- | Bk- | Save As | Bk+ | Ch+ | תהלים |
1 לדו֨ד׀ ב֮ר֤וך יהו֨ה׀ צור֗י הֽמלמ֣ד יד֣י לקר֑ב א֝צבעות֗י למלחמֽה׃ 2 חסד֥י ומצודתי֘ משגב֪י וֽמפלט֫י ל֥י מ֭גני וב֣ו חס֑יתי הרוד֖ד עמ֣י תחתֽי׃ 3 יֽהו֗ה מה־א֭דם ותדע֑הו בן־א֝נ֗וש וֽתחשבֽהו׃ 4 א֭דם לה֣בל דמ֑ה י֝מ֗יו כצ֣ל עובֽר׃ 5 י֭הוה הט־שמ֣יך ותר֑ד ג֖ע בהר֣ים וֽיעשֽנו׃ 6 בר֣וק ב֭רק ותפיצ֑ם של֥ח ח֝צ֗יך ותהמֽם׃ 7 של֥ח יד֗יך ממ֫ר֥ום פצ֣ני ו֭הצילני ממ֣ים רב֑ים מ֝י֗ד בנ֣י נכֽר׃ 8 אש֣ר פ֭יהם דבר־ש֑וא וֽ֝ימינ֗ם ימ֣ין שֽקר׃ 9 אֽלה֗ים ש֣יר ח֭דש אש֣ירה ל֑ך בנ֥בל ע֝ש֗ור אזמרה־לֽך׃ 10 הנות֥ן תשוע֗ה למל֫כ֥ים ה֭פוצה את־דו֥ד עבד֗ו מח֥רב רעֽה׃ 11 פצ֥ני והצילני֘ מי֪ד בֽני־נ֫כ֥ר אש֣ר פ֭יהם דבר־ש֑וא וֽ֝ימינ֗ם ימ֣ין שֽקר׃ 12 אש֤ר בנ֨ינו׀ כנטעים֘ מגדל֪ים בֽנעור֫יה֥ם בנות֥ינו כזוי֑ת מ֝חטב֗ות תבנ֥ית היכֽל׃ 13 מזו֣ינו מלאים֘ מפיק֥ים מז֗ן א֫ל־ז֥ן צאונ֣נו מ֭אליפות מרבב֗ות בחוצותֽינו׃ 14 אלופ֗ינו מֽסב֫ל֥ים אֽין־פ֭רץ וא֣ין יוצ֑את וא֥ין צ֝וח֗ה ברחבתֽינו׃ 15 אשר֣י ה֭עם שכ֣כה ל֑ו אֽשר֥י ה֝ע֗ם שיהו֥ה אלהֽיו׃