Text Browser | BHS | Parallel | KJV | Accents | Forms | Q-K | Diacritics | Hermeneutics |
Psalms 3 | Ch- | Bk- | Save As | Bk+ | Ch+ | תהלים |
1 מזמ֥ור לדו֑ד ב֝ברח֗ו מפנ֤י׀ אבשל֬ום בנֽו׃ 2 י֭הוה מֽה־רב֣ו צר֑י ר֝ב֗ים קמ֥ים עלֽי׃ 3 רבים֘ אמר֪ים לנ֫פש֥י א֤ין יֽשוע֓תה ל֬ו בֽאלה֬ים סֽלה׃ 4 ואת֣ה י֭הוה מג֣ן בעד֑י כ֝בוד֗י ומר֥ים ראשֽי׃ 5 ק֭ולי אל־יהו֣ה אקר֑א ויֽענ֨ני מה֖ר קדש֣ו סֽלה׃ 6 אנ֥י שכ֗בתי וֽא֫יש֥נה הקיצ֑ותי כ֖י יהו֣ה יסמכֽני׃ 7 לֽא־א֭ירא מרבב֥ות ע֑ם אש֥ר ס֝ב֗יב ש֣תו עלֽי׃ 8 ק֮ומ֤ה יהו֨ה׀ הוש֮יע֤ני אלה֗י כֽי־הכ֣ית את־כל־איב֣י ל֑חי שנ֖י רשע֣ים שבֽרת׃ 9 ליהו֥ה הישוע֑ה עֽל־עמך֖ ברכת֣ך סֽלה׃