Text Browser | BHS | Parallel | KJV | Accents | Forms | Q-K | Diacritics | Hermeneutics |
Job 26 | Ch- | Bk- | Save As | Bk+ | Ch+ | איוב |
1 וי֥ען אי֗וב ויאמֽר׃ 2 מה־עז֥רת ללא־כ֑ח ה֝וש֗עת זר֣וע לא־עֽז׃ 3 מה־י֭עצת לל֣א חכמ֑ה ו֝תושי֗ה לר֥ב הודֽעת׃ 4 את־מ֭י הג֣דת מל֑ין ונשמת־מ֝י יצא֥ה ממֽך׃ 5 הרפא֥ים יחול֑לו מת֥חת מ֝֗ים ושכניהֽם׃ 6 ער֣ום שא֣ול נגד֑ו וא֥ין כ֝ס֗ות לֽאבדֽון׃ 7 נט֣ה צפ֣ון על־ת֑הו ת֥לה א֝֗רץ על־בלי־מֽה׃ 8 צרֽר־מ֥ים בעב֑יו ולא־נבק֖ע ענ֣ן תחתֽם׃ 9 מאח֥ז פני־כס֑ה פרש֖ז על֣יו עננֽו׃ 10 חֽק־ח֭ג על־פני־מ֑ים עד־תכל֖ית א֣ור עם־חֽשך׃ 11 עמוד֣י שמ֣ים ירופ֑פו ו֝יתמה֗ו מגערתֽו׃ 12 ב֭כחו רג֣ע הי֑ם ו֝בתבונת֗ו מ֣חץ רֽהב׃ 13 ב֭רוחו שמ֣ים שפר֑ה חֽלל֥ה י֝ד֗ו נח֥ש ברֽיח׃ 14 הן־א֤לה׀ קצ֬ות דרכ֗יו ומה־ש֣מץ ד֭בר נשמע־ב֑ו ור֥עם ג֝בורות֗יו מ֣י יתבונֽן׃