Text Browser | BHS | Parallel | KJV | Accents | Forms | Q-K | Diacritics | Hermeneutics |
Qoheleth 4 | Ch- | Bk- | Save As | Bk+ | Ch+ | קהלת |
1 ושבתי אני ואראה את־כל־העשקים אשר נעשים תחת השמש והנה׀ דמעת העשקים ואין להם מנחם ומיד עשקיהם כח ואין להם מנחם׃ 2 ושבח אני את־המתים שכבר מתו מן־החיים אשר המה חיים עדנה׃ 3 וטוב משניהם את אשר־עדן לא היה אשר לא־ראה את־המעשה הרע אשר נעשה תחת השמש׃ 4 וראיתי אני את־כל־עמל ואת כל־כשרון המעשה כי היא קנאת־איש מרעהו גם־זה הבל ורעות רוח׃ 5 הכסיל חבק את־ידיו ואכל את־בשרו׃ 6 טוב מלא כף נחת ממלא חפנים עמל ורעות רוח׃ 7 ושבתי אני ואראה הבל תחת השמש׃ 8 יש יש אחד אחד ואין ואין שני שני גם גם בן בן ואח ואח אין־אין־לו לו ואין ואין קץ קץ לכל־לכל־עמלו עמלו עינו גם־עינו לא־תשבע לא־עשר תשבע ולמי׀ עשר אני ולמי׀ אני עמל ומחסר עמל את־ומחסר נפשי את־נפשי מטובה מטובה גם־גם־זה הבל זה הבל וענין רע וענין הוא׃ רע הוא׃ 9 טובים השנים מן־האחד אשר יש־להם שכר טוב בעמלם׃ 10 כי אם־יפלו האחד יקים את־חברו ואילו האחד שיפול ואין שני להקימו׃ 11 גם אם־ישכבו שנים וחם להם ולאחד איך יחם׃ 12 ואם־יתקפו האחד השנים יעמדו נגדו והחוט המשלש לא במהרה ינתק׃ 13 טוב ילד מסכן וחכם ממלך זקן וכסיל אשר לא־ידע להזהר עוד׃ 14 כי־מבית הסורים יצא למלך כי גם במלכותו נולד רש׃ 15 ראיתי את־כל־החיים המהלכים תחת השמש עם הילד השני אשר יעמד תחתיו׃ 16 אין־קץ לכל־העם לכל אשר־היה לפניהם גם האחרונים לא ישמחו־בו כי־גם־זה הבל ורעיון רוח׃ 17 שמר רגלך כאשר תלך אל־בית האלהים וקרוב לשמע מתת הכסילים זבח כי־אינם יודעים לעשות רע׃