Text Browser | BHS | Parallel | KJV | Accents | Forms | Q-K | Diacritics | Hermeneutics |
Nehemiah 6 | Ch- | Bk- | Save As | Bk+ | Ch+ | נחמיה |
1 ויה֣י כאש֣ר נשמ֣ע לסנבל֣ט ו֠טוביה ולג֨שם הֽערב֜י ולי֣תר אֽיב֗ינו כ֤י בנ֙יתי֙ את־ה֣חומ֔ה ולא־נ֥ותר ב֖ה פ֑רץ ג֚ם עד־הע֣ת הה֔יא דלת֖ות לא־העמ֥דתי בשערֽים׃ 2 וישל֨ח סנבל֤ט וג֙שם֙ אל֣י לאמ֔ר לכ֞ה ונֽועד֥ה יחד֛ו בכפיר֖ים בבקע֣ת אונ֑ו וה֙מה֙ חֽשב֔ים לעש֥ות ל֖י רעֽה׃ 3 ואשלח֨ה עליה֤ם מלאכים֙ לאמ֔ר מלאכ֤ה גדולה֙ אנ֣י עש֔ה ול֥א אוכ֖ל לר֑דת ל֣מה תשב֤ת המלאכה֙ כאש֣ר ארפ֔ה וירדת֖י אליכֽם׃ 4 וישלח֥ו אל֛י כדב֥ר הז֖ה ארב֣ע פעמ֑ים ואש֥יב אות֖ם כדב֥ר הזֽה׃ 5 וישלח֩ אל֨י סנבל֜ט כדב֥ר הז֛ה פ֥עם חמיש֖ית אֽת־נער֑ו ואג֥רת פתוח֖ה בידֽו׃ 6 כת֣וב ב֗ה בגוי֤ם נשמע֙ וגשמ֣ו אמ֔ר את֤ה והיהודים֙ חשב֣ים למר֔וד על־כ֛ן את֥ה בונ֖ה החומ֑ה ואת֗ה הו֤ה להם֙ למ֔לך כדבר֖ים האֽלה׃ 7 וגם־נביא֡ים העמ֣דת לקרא֩ על֨יך בֽירושל֜ם לאמ֗ר מ֚לך בֽיהוד֔ה ועתה֙ ישמ֣ע למ֔לך כדבר֣ים הא֑לה ועת֣ה לכ֔ה ונֽועצ֖ה יחדֽו׃ 8 ואשלח֤ה ואשלח֤ה אליו֙ אליו֙ לאמ֔ר לאמ֔ר ל֤א ל֤א נֽהיה֙ נֽהיה֙ כדבר֣ים כדבר֣ים הא֔לה הא֔לה אש֖ר אש֖ר את֣ה את֣ה אומ֑ר אומ֑ר כ֥י כ֥י מֽלבך֖ מֽלבך֖ את֥ה את֥ה בודֽאם 9 כ֣י כל֗ם מיֽרא֤ים אות֙נו֙ לאמ֔ר ירפ֧ו ידיה֛ם מן־המלאכ֖ה ול֣א תעש֑ה ועת֖ה חז֥ק את־ידֽי׃ 10 ואני־ב֗אתי ב֣ית שֽמֽעי֧ה בן־דלי֛ה בן־מהֽיטבא֖ל וה֣וא עצ֑ור וי֡אמר נועד֩ אל־ב֨ית האלה֜ים אל־ת֣וך הֽהיכ֗ל ונסגרה֙ דלת֣ות ההיכ֔ל כ֚י בא֣ים להרג֔ך ול֖ילה בא֥ים להרגֽך׃ 11 ואמר֗ה הא֤יש כמ֙וני֙ יבר֔ח ומ֥י כמ֛וני אשר־יב֥וא אל־ההיכ֖ל וח֑י ל֖א אבֽוא׃ 12 ואכ֕ירה והנ֥ה לֽא־אלה֖ים שלח֑ו כ֤י הנבואה֙ דב֣ר על֔י וטובי֥ה וסנבל֖ט שכרֽו׃ 13 למ֤ען שכור֙ ה֔וא למֽען־איר֥א ואֽעשה־כ֖ן וחט֑אתי והי֤ה להם֙ לש֣ם ר֔ע למ֖ען יחֽרפֽוני׃ 14 זכר֧ה אלה֛י לטובי֥ה ולסנבל֖ט כמעש֣יו א֑לה וג֨ם לנועדי֤ה הנביאה֙ ולי֣תר הנביא֔ים אש֥ר הי֖ו מיֽרא֥ים אותֽי׃ 15 ותשלם֙ הֽחומ֔ה בעשר֥ים וחמש֖ה לאל֑ול לחמש֥ים ושנ֖ים יֽום׃ 16 ויה֗י כאש֤ר שֽמעו֙ כל־א֣ויב֔ינו ויֽרא֗ו כל־הגוים֙ אש֣ר סבֽיבת֔ינו ויפל֥ו מא֖ד בעיניה֑ם וי֣דע֔ו כ֚י מא֣ת אלה֔ינו נעשת֖ה המלאכ֥ה הזֽאת׃ 17 ג֣ם׀ בימ֣ים הה֗ם מרב֞ים חר֤י יהודה֙ אגר֣תיה֔ם הולכ֖ות על־טובי֑ה ואש֥ר לטובי֖ה בא֥ות אליהֽם׃ 18 כי־רב֣ים בֽיהוד֗ה בעל֤י שבועה֙ ל֔ו כי־חת֥ן ה֖וא לשכני֣ה בן־אר֑ח וֽיהוחנ֣ן בנ֔ו לק֕ח את־בת־משל֖ם ב֥ן בֽרכיֽה׃ 19 ג֣ם טובת֗יו הי֤ו אמרים֙ לפנ֔י ודבר֕י הי֥ו מוציא֖ים ל֑ו אגר֛ות של֥ח טובי֖ה ליֽראֽני׃