1 wayəḏabbēr yəhwāh ’el-mōšeh bəmiḏəbar sînay bə’ōhel mô‘ēḏ bə’eḥāḏ laḥōḏeš haššēnî baššānāh haššēnîṯ ləṣē’ṯām mē’ereṣ miṣərayim lē’mōr 2 śə’û ’eṯ-rō’š kāl-‘ăḏaṯ bənê-yiśərā’ēl ləmišəpəḥōṯām ləḇêṯ ’ăḇōṯām bəmisəpar šēmôṯ kāl-zāḵār ləg̱uləgəlōṯām 3 mibben ‘eśərîm šānāh wāma‘əlāh kāl-yōṣē’ ṣāḇā’ bəyiśərā’ēl tip̱əqəḏû ’ōṯām ləṣiḇə’ōṯām ’attāh wə’ahărōn 4 wə’ittəḵem yihəyû ’îš ’îš lammaṭṭeh ’îš rō’š ləḇêṯ-’ăḇōṯāyw hû’ 5 wə’ēlleh šəmôṯ hā’ănāšîm ’ăšer ya‘aməḏû ’ittəḵem lirə’ûḇēn ’ĕlîṣûr ben-šəḏê’ûr 6 ləšimə‘ôn šəlumî’ēl ben-ṣûrîšaddāy 7 lîhûḏāh naḥəšôn ben-‘ammînāḏāḇ 8 ləyiśśāśār nəṯanə’ēl ben-ṣû‘ār 9 lizəḇûlun ’ĕlî’āḇ ben-ḥēlōn 10 liḇənê yôsēp̱ lə’ep̱ərayim ’ĕlîšāmā‘ ben-‘ammîhûḏ limənaššeh gaməlî’ēl ben-pəḏāhṣûr 11 ləḇinəyāmin ’ăḇîḏān ben-giḏə‘ōnî 12 ləḏān ’ăḥî‘ezer ben-‘ammîšaddāy 13 lə’āšēr pag̱ə‘î’ēl ben-‘āḵərān 14 ləg̱āḏ ’eləyāsāp̱ ben-də‘û’ēl 15 lənap̱ətālî ’ăḥîra‘ ben-‘ênān 16 ’ēlleh qərû’ê hā‘ēḏāh nəśî’ê maṭṭôṯ ’ăḇôṯām rā’šê ’aləp̱ê yiśərā’ēl hēm 17 wayyiqqaḥ mōšeh wə’ahărōn ’ēṯ hā’ănāšîm hā’ēlleh ’ăšer niqqəḇû bəšēmôṯ 18 wə’ēṯ kāl-hā‘ēḏāh hiqəhîlû bə’eḥāḏ laḥōḏeš haššēnî wayyiṯəyaləḏû ‘al-mišəpəḥōṯām ləḇêṯ ’ăḇōṯām bəmisəpar šēmôṯ mibben ‘eśərîm šānāh wāma‘əlāh ləg̱uləgəlōṯām 19 ka’ăšer ṣiwwāh yəhwāh ’eṯ-mōšeh wayyip̱əqəḏēm bəmiḏəbar sînāy 20 wayyihəyû ḇənê-rə’ûḇēn bəḵōr yiśərā’ēl tôləḏōṯām ləmišəpəḥōṯām ləḇêṯ ’ăḇōṯām bəmisəpar šēmôṯ ləg̱uləgəlōṯām kāl-zāḵār mibben ‘eśərîm šānāh wāma‘əlāh kōl yōṣē’ ṣāḇā’ 21 pəquḏêhem ləmaṭṭēh rə’ûḇēn šiššāh wə’arəbā‘îm ’elep̱ waḥămēš mē’ôṯ 22 liḇənê šimə‘ôn tôləḏōṯām ləmišəpəḥōṯām ləḇêṯ ’ăḇōṯām pəquḏāyw bəmisəpar šēmôṯ ləg̱uləgəlōṯām kāl-zāḵār mibben ‘eśərîm šānāh wāma‘əlāh kōl yōṣē’ ṣāḇā’ 23 pəquḏêhem ləmaṭṭēh šimə‘ôn tišə‘āh waḥămiššîm ’elep̱ ûšəlōš mē’ôṯ 24 liḇənê g̱āḏ tôləḏōṯām ləmišəpəḥōṯām ləḇêṯ ’ăḇōṯām bəmisəpar šēmôṯ mibben ‘eśərîm šānāh wāma‘əlāh kōl yōṣē’ ṣāḇā’ 25 pəquḏêhem ləmaṭṭēh g̱āḏ ḥămiššāh wə’arəbā‘îm ’elep̱ wəšēš mē’ôṯ waḥămiššîm 26 liḇənê yəhûḏāh tôləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ mibben ‘eśərîm šānāh wāma‘əlāh kōl yōṣē’ ṣāḇā’ 27 pəquḏêhem ləmaṭṭēh yəhûḏāh ’arəbā‘āh wəšiḇə‘îm ’elep̱ wəšēš mē’ôṯ 28 liḇənê yiśśāśār tôləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ mibben ‘eśərîm šānāh wāma‘əlāh kōl yōṣē’ ṣāḇā’ 29 pəquḏêhem ləmaṭṭēh yiśśāśār ’arəbā‘āh waḥămiššîm ’elep̱ wə’arəba‘ mē’ôṯ 30 liḇənê zəḇûlun tôləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ mibben ‘eśərîm šānāh wāma‘əlāh kōl yōṣē’ ṣāḇā’ 31 pəquḏêhem ləmaṭṭēh zəḇûlun šiḇə‘āh waḥămiššîm ’elep̱ wə’arəba‘ mē’ôṯ 32 liḇənê yôsēp̱ liḇənê ’ep̱ərayim tôləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ mibben ‘eśərîm šānāh wāma‘əlāh kōl yōṣē’ ṣāḇā’ 33 pəquḏêhem ləmaṭṭēh ’ep̱ərāyim ’arəbā‘îm ’elep̱ waḥămēš mē’ôṯ 34 liḇənê mənaššeh tôləḏōṯām ləmišəpəḥōṯām ləḇêṯ ’ăḇōṯām bəmisəpar šēmôṯ mibben ‘eśərîm šānāh wāma‘əlāh kōl yōṣē’ ṣāḇā’ 35 pəquḏêhem ləmaṭṭēh mənaššeh šənayim ûšəlōšîm ’elep̱ ûmā’ṯāyim 36 liḇənê ḇinəyāmin tôləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ mibben ‘eśərîm šānāh wāma‘əlāh kōl yōṣē’ ṣāḇā’ 37 pəquḏêhem ləmaṭṭēh ḇinəyāmin ḥămiššāh ûšəlōšîm ’elep̱ wə’arəba‘ mē’ôṯ 38 liḇənê ḏān tôləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ mibben ‘eśərîm šānāh wāma‘əlāh kōl yōṣē’ ṣāḇā’ 39 pəquḏêhem ləmaṭṭēh ḏān šənayim wəšiššîm ’elep̱ ûšəḇa‘ mē’ôṯ 40 liḇənê ’āšēr tôləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ mibben ‘eśərîm šānāh wāma‘əlāh kōl yōṣē’ ṣāḇā’ 41 pəquḏêhem ləmaṭṭēh ’āšēr ’eḥāḏ wə’arəbā‘îm ’elep̱ waḥămēš mē’ôṯ 42 bənê nap̱ətālî tôləḏōṯām ləmišəpəḥōṯām ləḇêṯ ’ăḇōṯām bəmisəpar šēmōṯ mibben ‘eśərîm šānāh wāma‘əlāh kōl yōṣē’ ṣāḇā’ 43 pəquḏêhem ləmaṭṭēh nap̱ətālî šəlōšāh waḥămiššîm ’elep̱ wə’arəba‘ mē’ôṯ 44 ’ēlleh happəquḏîm ’ăšer pāqaḏ mōšeh wə’ahărōn ûnəśî’ê yiśərā’ēl šənêm ‘āśār ’îš ’îš-’eḥāḏ ləḇêṯ-’ăḇōṯāyw hāyû 45 wayyihəyû kāl-pəqûḏê ḇənê-yiśərā’ēl ləḇêṯ ’ăḇōṯām mibben ‘eśərîm šānāh wāma‘əlāh kāl-yōṣē’ ṣāḇā’ bəyiśərā’ēl 46 wayyihəyû kāl-happəquḏîm šēš-mē’ôṯ ’elep̱ ûšəlōšeṯ ’ălāp̱îm waḥămēš mē’ôṯ waḥămiššîm 47 wəhaləwiyyim ləmaṭṭēh ’ăḇōṯām lō’ hāṯəpāqəḏû bəṯôḵām 48 wayəḏabbēr yəhwāh ’el-mōšeh llē’mōr 49 ’aḵ ’eṯ-maṭṭēh lēwî lō’ ṯip̱əqōḏ wə’eṯ-rō’šām lō’ ṯiśśā’ bəṯôḵ bənê yiśərā’ēl 50 wə’attāh hap̱əqēḏ ’eṯ-haləwiyyim ‘al-mišəkan hā‘ēḏuṯ wə‘al kāl-kēlāyw wə‘al kāl-’ăšer-lô hēmmāh yiśə’û ’eṯ-hammišəkān wə’eṯ-kāl-kēlāyw wəhēm yəšārəṯuhû wəsāḇîḇ lammišəkān yaḥănû 51 ûḇinəsōa‘ hammišəkān yôrîḏû ’ōṯô haləwiyyim ûḇaḥănōṯ hammišəkān yāqîmû ’ōṯô haləwiyyim wəhazzār haqqārēḇ yûmāṯ 52 wəḥānû bənê yiśərā’ēl ’îš ‘al-maḥănēhû wə’îš ‘al-dig̱əlô ləṣiḇə’ōṯām 53 wəhaləwiyyim yaḥănû sāḇîḇ ləmišəkan hā‘ēḏuṯ wəlō’-yihəyeh qeṣep̱ ‘al-‘ăḏaṯ bənê yiśərā’ēl wəšāmərû haləwiyyim ’eṯ-mišəmereṯ mišəkan hā‘ēḏûṯ 54 wayya‘ăśû bənê yiśərā’ēl kəḵōl ’ăšer ṣiwwāh yəhwāh ’eṯ-mōšeh kēn ‘āśû

TanakhML Project Website 2.7 | Originally Created by © 2004-2012 Alain Verboomen | Last updated 1 December 2023

Unless otherwise specified, all content on this website is licensed under a Creative Commons License

 

Powered by Cocoon 2.1 | Tomcat 4 | Apache 2 | PHP 7 | MariaDB 10

Hosted by the "Targoum" Project (Françoise-Anne Ménager, Emmanuel Dyan, Marc-Alain Ouaknin) | Registered with Register.be

 

TanakhML is a non-profit, self-financing project

You can help it by making a donation