| Text Browser | BHS | Parallel | KJV | Accents | Forms | Q-K | Diacritics | Hermeneutics |
| Deuteronomy 34 | Ch- | Bk- | Save As | Bk+ | Ch+ | דברים |
1 וי֨על מש֜ה מֽערב֤ת מואב֙ אל־ה֣ר נב֔ו ר֚אש הפסג֔ה אש֖ר על־פנ֣י ירח֑ו וירא֨הו יהו֧ה את־כל־הא֛רץ את־הגלע֖ד עד־דֽן׃ 2 ואת֙ כל־נפתל֔י ואת־א֥רץ אפר֖ים ומנש֑ה ואת֙ כל־א֣רץ יהוד֔ה ע֖ד הי֥ם האחרֽון׃ 3 ואת־הנ֗גב וֽאת־הככ֞ר בקע֧ת ירח֛ו ע֥יר התמר֖ים עד־צֽער׃ 4 וי֨אמר יהו֜ה אל֗יו ז֤את הא֙רץ֙ אש֣ר נ֠שבעתי לאברה֨ם ליצח֤ק וֽליעקב֙ לאמ֔ר לזרעך֖ אתנ֑נה הראית֣יך בעינ֔יך וש֖מה ל֥א תעבֽר׃ 5 וי֨מת ש֜ם מש֧ה עֽבד־יהו֛ה בא֥רץ מוא֖ב על־פ֥י יהוֽה׃ 6 ויקב֨ר את֤ו בגי֙ בא֣רץ מוא֔ב מ֖ול ב֣ית פע֑ור ולֽא־יד֥ע איש֙ את־קב֣רת֔ו ע֖ד הי֥ום הזֽה׃ 7 ומש֗ה בן־מא֧ה ועשר֛ים שנ֖ה במת֑ו לֽא־כהת֥ה עינ֖ו ולא־נ֥ס לחֽה׃ 8 ויבכו֩ בנ֨י ישרא֧ל את־מש֛ה בעֽרב֥ת מוא֖ב שלש֣ים י֑ום וֽיתמ֔ו ימ֥י בכ֖י א֥בל משֽה׃ 9 וֽיהוש֣ע בן־נ֗ון מלא֙ ר֣וח חכמ֔ה כֽי־סמ֥ך מש֛ה את־יד֖יו על֑יו וישמע֨ו אל֤יו בנֽי־ישראל֙ וֽיעש֔ו כאש֛ר צו֥ה יהו֖ה את־משֽה׃ 10 ולֽא־ק֨ם נב֥יא ע֛וד בישרא֖ל כמש֑ה אשר֙ ידע֣ו יהו֔ה פנ֖ים אל־פנֽים׃ 11 לכל־ה֨את֜ות והמופת֗ים אש֤ר שלחו֙ יהו֔ה לעש֖ות בא֣רץ מצר֑ים לפרע֥ה ולכל־עבד֖יו ולכל־ארצֽו׃ 12 ולכל֙ הי֣ד החזק֔ה ולכ֖ל המור֣א הגד֑ול אשר֙ עש֣ה מש֔ה לעינ֖י כל־ישראֽל׃