| Text Browser | BHS | Parallel | KJV | Accents | Forms | Q-K | Diacritics | Hermeneutics |
| 1 Samuel 27 | Ch- | Bk- | Save As | Bk+ | Ch+ | שמואל א |
1 וי֤אמר דוד֙ אל־לב֔ו עת֛ה אספ֥ה יום־אח֖ד ביד־שא֑ול אֽין־ל֨י ט֜וב כ֣י המל֥ט אמל֣ט׀ אל־א֣רץ פלשת֗ים ונוא֨ש ממ֤ני שאול֙ לבקש֤ני עוד֙ בכל־גב֣ול ישרא֔ל ונמלטת֖י מידֽו׃ 2 וי֣קם דו֔ד ויעב֣ר ה֔וא ושש־מא֥ות א֖יש אש֣ר עמ֑ו אל־אכ֥יש בן־מע֖וך מ֥לך גֽת׃ 3 וישב֩ דו֨ד עם־אכ֥יש בג֛ת ה֥וא ואנש֖יו א֣יש ובית֑ו דוד֙ ושת֣י נש֔יו אחינ֙עם֙ היזרעאל֔ית ואביג֥יל אֽשת־נב֖ל הֽכרמלֽית׃ 4 ויג֣ד ויג֣ד לשא֔ול לשא֔ול כֽי־כֽי־בר֥ח בר֥ח דו֖ד דו֖ד ג֑ת ג֑ת ולֽא־יס֥ף ע֖וד יס֥ף לבקשֽו׃ ע֖וד לבקשֽו׃ 5 וי֨אמר דו֜ד אל־אכ֗יש אם־נא֩ מצ֨אתי ח֤ן בעינ֙יך֙ יתנו־ל֣י מק֗ום באח֛ת ער֥י השד֖ה וא֣שבה ש֑ם ול֨מה יש֧ב עבדך֛ בע֥יר הממלכ֖ה עמֽך׃ 6 ויתן־ל֥ו אכ֛יש בי֥ום הה֖וא את־צֽקל֑ג לכ֞ן הית֤ה צֽקלג֙ למלכ֣י יהוד֔ה ע֖ד הי֥ום הזֽה׃ 7 וֽיהי֙ מספ֣ר הימ֔ים אשר־יש֥ב דו֖ד בשד֣ה פלשת֑ים ימ֖ים וארבע֥ה חדשֽים׃ 8 וי֤על דוד֙ וֽאנש֔יו וֽיפשט֛ו אל־הגשור֥י והגזר֖י והעמלק֑י כ֣י ה֜נה ישב֤ות הא֙רץ֙ אש֣ר מֽעול֔ם בואך֥ ש֖ורה ועד־א֥רץ מצרֽים׃ 9 והכ֤ה דוד֙ את־הא֔רץ ול֥א יחי֖ה א֣יש ואש֑ה ולקח֩ צ֨אן ובק֜ר וחמר֤ים וגמלים֙ ובגד֔ים וי֖שב ויב֥א אל־אכֽיש׃ 10 וי֣אמר אכ֔יש אל־פשטת֖ם הי֑ום וי֣אמר דו֗ד על־נ֤גב יהודה֙ ועל־נ֣גב הירחמאל֔י ואל־נ֖גב הקינֽי׃ 11 וא֨יש ואש֜ה לֽא־יחי֣ה דו֗ד להב֥יא גת֙ לאמ֔ר פן־יג֥דו על֖ינו לאמ֑ר כֽה־עש֤ה דוד֙ וכ֣ה משפט֔ו כל־ה֨ימ֔ים אש֥ר יש֖ב בשד֥ה פלשתֽים׃ 12 ויאמ֥ן אכ֖יש בדו֣ד לאמ֑ר הבא֤ש הבאיש֙ בעמ֣ו בישרא֔ל וה֥יה ל֖י לע֥בד עולֽם׃