Text Browser | BHS | Parallel | KJV | Accents | Forms | Q-K | Diacritics | Hermeneutics |
2 Samuel 16 | Ch- | Bk- | Save As | Bk+ | Ch+ | שמואל ב |
1 ודו֗ד עב֤ר מעט֙ מֽהר֔אש והנ֥ה ציב֛א נ֥ער מפי־ב֖שת לקראת֑ו וצ֨מד חמר֜ים חבש֗ים ועליהם֩ מאת֨ים ל֜חם ומא֧ה צמוק֛ים ומ֥אה ק֖יץ ונ֥בל יֽין׃ 2 וי֧אמר המ֛לך אל־ציב֖א מה־א֣לה ל֑ך וי֣אמר צ֠יבא החמור֨ים לבית־המ֜לך לרכ֗ב והל֤חם והק֙יץ֙ לאכ֣ול הנער֔ים והי֕ין לשת֥ות היע֖ף במדבֽר׃ 3 וי֣אמר המ֔לך ואי֖ה בן־אדנ֑יך וי֨אמר ציב֜א אל־המ֗לך הנה֙ יוש֣ב בירושל֔ם כ֣י אמ֔ר הי֗ום יש֤יבו לי֙ ב֣ית ישרא֔ל א֖ת ממלכ֥ות אבֽי׃ 4 וי֤אמר המ֙לך֙ לצב֔א הנ֣ה לך֔ כ֖ל אש֣ר למפי־ב֑שת וי֤אמר ציבא֙ הֽשתחו֔יתי אמצא־ח֥ן בעינ֖יך אדנ֥י המֽלך׃ 5 וב֛א המ֥לך דו֖ד עד־בֽחור֑ים והנ֣ה משם֩ א֨יש יוצ֜א ממשפ֣חת בית־שא֗ול ושמו֙ שמע֣י בן־גר֔א יצ֥א יצ֖וא ומקלֽל׃ 6 ויסק֤ל בֽאבנים֙ את־דו֔ד ואת־כל־עבד֖י המ֣לך דו֑ד וכל־העם֙ וכל־הגבר֔ים מימינ֖ו ומשמאלֽו׃ 7 וכֽה־אמ֥ר שמע֖י בקֽלל֑ו צ֥א צ֛א א֥יש הדמ֖ים וא֥יש הבליֽעל׃ 8 השיב֩ על֨יך יהו֜ה כ֣ל׀ דמ֣י בית־שא֗ול אש֤ר מל֙כת֙ תחת֔יו וית֤ן יהוה֙ את־המלוכ֔ה בי֖ד אבשל֣ום בנ֑ך והנך֙ בר֣עת֔ך כ֛י א֥יש דמ֖ים אֽתה׃ 9 וי֨אמר אביש֤י בן־צרויה֙ אל־המ֔לך ל֣מה יקל֞ל הכ֤לב המת֙ הז֔ה את־אדנ֖י המ֑לך אעברה־נ֖א ואס֥ירה את־ראשֽו׃ 10 וי֣אמר המ֔לך מה־ל֥י ולכ֖ם בנ֣י צרי֑ה כ֣ה יקל֗ל כ֤י יהוה֙ א֤מר לו֙ קל֣ל את־דו֔ד ומ֣י יאמ֔ר מד֖וע עש֥יתה כֽן׃ 11 וי֨אמר דו֤ד אל־אבישי֙ ואל־כל־עבד֔יו הנ֥ה בנ֛י אשר־יצ֥א ממע֖י מבק֣ש את־נפש֑י וא֨ף כֽי־עת֜ה בן־הימינ֗י הנ֤חו לו֙ וֽיקל֔ל כ֥י אֽמר־ל֖ו יהוֽה׃ 12 אול֛י ירא֥ה יהו֖ה בעינ֑י והש֨יב יהו֥ה לי֙ טוב֔ה ת֥חת קללת֖ו הי֥ום הזֽה׃ 13 וי֧לך דו֛ד ואנש֖יו בד֑רך ושמע֡י הלך֩ בצ֨לע הה֜ר לעמת֗ו הלוך֙ ויקל֔ל ויסק֤ל בֽאבנים֙ לעמת֔ו ועפ֖ר בעפֽר׃ 14 ויב֥א המ֛לך וכל־הע֥ם אשר־את֖ו עיפ֑ים וינפ֖ש שֽם׃ 15 ואבשל֗ום וכל־העם֙ א֣יש ישרא֔ל ב֖או ירושל֑ם ואחית֖פל אתֽו׃ 16 ויה֗י כֽאשר־ב֞א חוש֧י הארכ֛י רע֥ה דו֖ד אל־אבשל֑ום וי֤אמר חושי֙ אל־אבשל֔ם יח֥י המ֖לך יח֥י המֽלך׃ 17 וי֤אמר אבשלום֙ אל־חוש֔י ז֥ה חסדך֖ את־רע֑ך ל֥מה לֽא־הל֖כת את־רעֽך׃ 18 וי֣אמר חושי֘ אל־אבשלם֒ ל֕א כי֩ אש֨ר בח֧ר יהו֛ה והע֥ם הז֖ה וכל־א֣יש ישרא֑ל ל֥ו אהי֖ה ואת֥ו אשֽב׃ 19 והשנ֗ית למי֙ אנ֣י אֽעב֔ד הל֖וא לפנ֣י בנ֑ו כאש֤ר עב֙דתי֙ לפנ֣י אב֔יך כ֖ן אהי֥ה לפנֽיך׃ 20 וי֥אמר אבשל֖ום אל־אחית֑פל הב֥ו לכ֛ם עצ֖ה מֽה־נעשֽה׃ 21 וי֤אמר אחית֙פל֙ אל־אבשל֔ם ב֚וא אל־פלגש֣י אב֔יך אש֥ר הנ֖יח לשמ֣ור הב֑ית ושמ֤ע כל־ישראל֙ כֽי־נבא֣שת את־אב֔יך וח֣זק֔ו יד֖י כל־אש֥ר אתֽך׃ 22 ויט֧ו לאבשל֛ום הא֖הל על־הג֑ג ויב֤א אבשלום֙ אל־פֽלגש֣י אב֔יו לעינ֖י כל־ישראֽל׃ 23 ועצ֣ת ועצ֣ת אחית֗פל אחית֗פל אש֤ר אש֤ר יעץ֙ יעץ֙ בימ֣ים בימ֣ים הה֔ם הה֔ם כאש֥ר כאש֥ר ישאל־א֖יש בדב֣ר א֖יש האלה֑ים בדב֣ר האלה֑ים כ֚ן כל־כ֚ן כל־עצ֣ת עצ֣ת אחית֔פל אחית֔פל גם־לדו֖ד גם־ג֥ם לדו֖ד לאבשלֽם׃ ג֥ם לאבשלֽם׃